‘વિદેશી’ ભારતીયના હાથે તૂટ્યો સચિનનો રેકોર્ડ

હૈમિલ્ટન, 20 ડિસેમ્બરઃ વેસ્ટ ઇન્ડિઝના ડાબોડી બેટ્સમેન શિવનારાયણ ચંદ્રપોલે ટેસ્ટ ક્રિકેટમાં નોટ આઉટ સદી ફટકારવાના મામલે મહાન ભારતીય ક્રિકેટર સચિન તેંડુલકરને પાછળ છોડી દીધા છે. ચંદ્રપોલે ત્રીજી ટેસ્ટના બીજા દિવસે 122 રનની અણનમ ઇનિંગ રમી. આ સાથે જ તેમની અણનમ સદીની સંખ્યા 17 થઇ ગઇ છે. જ્યારે સચિને ટેસ્ટ ક્રિકેટમાં 16 અણનમ સદી ફટકારી છે.

આ ઉપરાંત ચંદ્રપોલે સર ડોન બ્રેડમેનના 29 સદીના રેકોર્ડની પણ બરોબરી કરી લીધી છે. ટેસ્ટમાં સર્વાધિક સદીનો રેકોડ્ર સચિન તેંડુલકરના નામે છે. તેમણે 200 ટેસ્ટમાં 51 સદી ફટકારી છે.

પોતાની સતકીય ઇનિંગ દરમિયાન ચંદ્રપોલે સર્વાધિક રન બનાવવાના મામલે 10 બેટ્સમેનોની શ્રેણીમાં ઓસ્ટ્રેલિયાના એલન બોર્ડરને પણ પાછળ છોડી દીધા છે. અત્યારસુધી ચંદ્રપોલે 11,119 રન ફટકાર્યા છે, સર્વાધિક રન બનાવવાના મામલે તે છઠ્ઠા સ્થાને છે. જ્યારે આ યાદીમાં તે બ્રાયન લારાથી 754 રન જ પાછળ છે.

English summary

West Indies left-hander Shivnarine Chanderpaul has surpassed Sachin Tendulkar with his 17th unbeaten Test century today.