કેપ્ટન બન્યા બાદ ઋતુરાજ ગાયકવાડે આપી પ્રતિક્રીયા, જણાવ્યુ એશિયાઇ ગેમ્સમાં શું કરશે?

સપ્ટેમ્બરમાં ચીનમાં યોજાનારી એશિયન ગેમ્સ માટે ટીમ ઈન્ડિયાની શુક્રવારે જાહેરાત કરવામાં આવી હતી. ભારતીય ટીમમાં તમામ યુવા ખેલાડીઓનો સમાવેશ કરવામાં આવ્યો છે અને ઋતુરાજ ગાયકવાડને કેપ્ટન બનાવવામાં આવ્યો છે. ગાયકવાડ પ્રથમ વખત ટીમનું નેતૃત્વ કરશે.

ગાયકવાડ કહે છે કે ભારત માટે રમવું હંમેશા આનંદની વાત છે અને એશિયન ગેમ્સમાં ટીમનું પ્રતિનિધિત્વ કરીને હું ખુશ છું. ગાયકવાડે એ પણ જણાવ્યું કે એશિયન ગેમ્સમાં કેપ્ટન તરીકે તેમનું લક્ષ્ય શું છે.

બીસીસીઆઈના ટ્વિટર હેન્ડલ પર અપલોડ કરાયેલા એક વીડિયોમાં ગાયકવાડે કહ્યું કે ગોલ્ડ મેડલ જીતવું એક સપનું છે. પોડિયમ પર ઉભા રહીને દેશનું રાષ્ટ્રગીત ગાવાનું અને મેડલ મેળવવાનું મારું સપનું છે. ગાયકવાડે તેમને કેપ્ટન બનાવવા માટે BCCIનો આભાર પણ માન્યો હતો.

ઋતુરાજ ગાયકવાડે કહ્યું કે બીસીસીઆઈ, મેનેજમેન્ટ અને પસંદગીકારો દ્વારા આપવામાં આવેલી આ તક માટે હું ખરેખર આભારી છું. તેણે કહ્યું કે આટલી મોટી ઈવેન્ટમાં ટીમની કેપ્ટનશિપ કરવી મારા માટે મોટી તક છે અને ભારત માટે રમવું મારા અને અન્ય ખેલાડીઓ માટે ગર્વની વાત છે.

ઉલ્લેખનીય છે કે એશિયન ગેમ્સ માટે ટીમ ઈન્ડિયામાં યુવા ખેલાડીઓની પસંદગી કરવામાં આવી છે. રિંકુ સિંહને પણ ટીમમાં સ્થાન મળ્યું છે. આ ટીમમાં તિલક વર્માનો પણ સમાવેશ કરવામાં આવ્યો છે. વેસ્ટ ઈન્ડિઝ સામે ડેબ્યૂ ટેસ્ટમાં સદી ફટકારનાર યશસ્વી જયસ્વાલને પણ ટીમમાં રાખવામાં આવ્યો છે.

🗣️ “𝑻𝒉𝒆 𝒅𝒓𝒆𝒂𝒎 𝒘𝒐𝒖𝒍𝒅 𝒃𝒆 𝒕𝒐 𝒘𝒊𝒏 𝒕𝒉𝒆 𝒈𝒐𝒍𝒅 𝒎𝒆𝒅𝒂𝒍, 𝒔𝒕𝒂𝒏𝒅 𝒐𝒏 𝒕𝒉𝒆 𝒑𝒐𝒅𝒊𝒖𝒎 𝒂𝒏𝒅 𝒔𝒊𝒏𝒈 𝒕𝒉𝒆 𝒏𝒂𝒕𝒊𝒐𝒏𝒂𝒍 𝒂𝒏𝒕𝒉𝒆𝒎 𝒇𝒐𝒓 𝒕𝒉𝒆 𝒄𝒐𝒖𝒏𝒕𝒓𝒚”

A happy and proud @Ruutu1331 is excited to lead #TeamIndia at the #AsianGames 😃 pic.twitter.com/iPZfVU2XW8

— BCCI (@BCCI) July 15, 2023

ટીમ અંગે ગાયકવાડે કહ્યું કે અમે છેલ્લા બે વર્ષથી ઈન્ડિયા A અને IPLમાં રમીને એડજસ્ટ થઈ રહ્યા છીએ અને તમામ યુવા ખેલાડીઓ છે તેથી ટૂર્નામેન્ટમાં રમવાની મજા આવશે. દરેક ખેલાડી માટે આ એક રોમાંચક પ્રવાસ હશે. ટીમ શાનદાર દેખાઈ રહી છે. ઉલ્લેખનીય છે કે એશિયન ગેમ્સમાં ક્રિકેટ સ્પર્ધા 28 સપ્ટેમ્બરથી શરૂ થશે.

English summary

After becoming captain, Rituraj Gaikwad reacted, said what will he do in the Asian Games?