Asia Cup 2022 : રોહિત શર્માએ બનાવ્યા આ રેકોર્ડ, સચિન તેંડુલકરને પાછળ છોડ્યા

એશિયા કપ 2022ના સુપર-4ની પોતાની બીજી મેચમાં ભારત શ્રીલંકા સામે ટકરાયું હતું. જેમાં શ્રીલંકાએ ટોસ જીતીને પ્રથમ બોલિંગ કરવાનો નિર્ણય કર્યો હતો. પ્રથમ બેટિંગ કરવા આવેલી ભારતીય ટીમની શરૂઆત ખરાબ રહી હતી.

Asia Cup 2022 : એશિયા કપ 2022ના સુપર-4ની પોતાની બીજી મેચમાં ભારત શ્રીલંકા સામે ટકરાયું હતું. જેમાં શ્રીલંકાએ ટોસ જીતીને પ્રથમ બોલિંગ કરવાનો નિર્ણય કર્યો હતો. પ્રથમ બેટિંગ કરવા આવેલી ભારતીય ટીમની શરૂઆત ખરાબ રહી હતી, પરંતુ સુકાની રોહિત શર્મા એક છેડે ઉભો હતો.

તેણે 41 બોલમાં 72 રનની ઇનિંગ રમી હતી. આ ઇનિંગમાં હિટમેને ઘણા રેકોર્ડ પોતાના નામે કર્યા હતા. રોહિતે દિગ્ગજ ભારતીય ક્રિકેટ સચિન તેંડુલકરનો રેકોર્ડ પણ તોડી નાખ્યો છે. જોકે, ભારત આ મેચ હારી ગયું હતું.

Asia Cup માં સૌથી વધુ રન

રોહિત શર્માએ શ્રીલંકા સામે શાનદાર બેટિંગ કરી હતી. આ દરમિયાન, તે એશિયા કપના બંને ફોર્મેટ (ODI અને T20)માં સૌથી વધુ રન બનાવનારો ભારતીય બેટ્સમેન બની ગયો છે. તેણે આ મામલે સચિન તેંડુલકરને પાછળ છોડી દીધો છે.

વિરાટ કોહલીએ 920 રન બનાવ્યા

રોહિતે Asia Cup માં અત્યાર સુધીમાં 1016 રન બનાવ્યા છે, જ્યારે સચિન તેંડુલકરે 971 અને વિરાટ કોહલીએ 920 રન બનાવ્યા છે. રોહિત Asia Cup માં 1000થી વધુ રન બનાવનારો પ્રથમ ભારતીય બેટ્સમેન છે.

સૌથી વધુ રન બનાવનારા ભારતીય બેટ્સમેન

• રોહિત શર્મા: 1016
• સચિન તેંડુલકર: 971
• વિરાટ કોહલી: 920
• એમએસ ધોની: 690

રોહિત શર્માએ શ્રીલંકા સામે ફિફ્ટી ફટકારી

રોહિત શર્માએ શ્રીલંકા સામે ફિફ્ટી ફટકારી હતી. આ સાથે તે T20 આંતરરાષ્ટ્રીયમાં સૌથી વધુ 50 પ્લસ સ્કોર બનાવનારો બેટ્સમેન બની ગયો છે.

આ રેકોર્ડમાં વિરાટની કરી બરાબરી

આ મામલે તેણે વિરાટ કોહલીની બરાબરી કરી લીધી છે. બંને ભારતીય બેટ્સમેનોએ 32 વખત T20 ઈન્ટરનેશનલમાં પચાસથી વધુ સ્કોર બનાવ્યા છે.

English summary

Asia Cup 2022 : Rohit Sharma sets this record