Asia Cup 2023: ભારત-પાકિસ્તાન વચ્ચે બીજી મેચ કયારે અને ક્યાં થશે
Asia Cup 2023: એશિયા કપમાં ભારતે નેપાળને 10 વિકેટે હરાવીને સુપર-4માં પોતાનું સ્થાન બનાવી લીધું છે. નેપાળ સામેની મેચમાં વારંવાર વરસાદના વિક્ષેપને કારણે, ડકવર્થ-લુઈસ પદ્ધતિ હેઠળ મેચને 23 ઓવરની કરવામાં આવી હતી. ભારતને 23 ઓવરમાં 145 રનનો ટાર્ગેટ મળ્યો હતો, જે ભારતે એકપણ વિકેટ ગુમાવ્યા વિના હાંસલ કરી લીધો હતો.
નેપાળ સામેની મેચમાં મળેલી જીત બાદ દરેકના મનમાં સવાલ ઉઠી રહ્યો છે કે ભારત અને પાકિસ્તાન વચ્ચે આગામી મેચ ક્યારે થશે. જે રીતે પ્રથમ મેચ વરસાદના કારણે ધોવાઈ ગઈ હતી તે પછી તમામની નજર બીજી મેચ પર છે.
નેપાળ સામેની મેચ જીત્યા બાદ હવે ભારતનો બીજો મુકાબલો પાકિસ્તાન સાથે 17 સપ્ટેમ્બરે થશે. આ મેચ હંબનટોટામાં રમાશે. જ્યારે એશિયા કપની ફાઇનલ મેચ 17 સપ્ટેમ્બરે હંબનટોટામાં જ રમાશે. વરસાદ જે રીતે મેચમાં વિક્ષેપ પાડી રહ્યો છે તેને ધ્યાનમાં રાખીને બાકીની મેચો હંબનટોટામાં શિફ્ટ કરવામાં આવી છે.
નેપાળ સામેની મેચની વાત કરીએ તો ટોસ જીત્યા બાદ રોહિત શર્માએ પહેલા બોલિંગ કરવાનો નિર્ણય કર્યો હતો. ભારતની શરૂઆત સારી રહી ન હતી. જે રીતે ભારતીય ખેલાડીઓએ એક પછી એક ત્રણ કેચ છોડ્યા તે રીતે નેપાળે મેચમાં ધમાકેદાર વાપસી કરીને ભારતીય બોલરોની ક્લાસ બતાવી દીધી. પ્રથમ બેટિંગ કરતા નેપાળે 230 રન બનાવ્યા હતા. નેપાળ માટે આસિફ શેખે અડધી સદી રમી અને 58 રન બનાવ્યા, જ્યારે સોમપાલ કામીએ 48 રનની ઇનિંગ રમી.
ભારત તરફથી મોહમ્મદ સિરાજ અને રવિન્દ્ર જાડેજાએ 3-3 વિકેટ લીધી હતી. જ્યારે મોહમ્મદ શમી, હાર્દિક પંડ્યા, શાર્દુલ ઠાકુરે 1-1 વિકેટ લીધી હતી. 231 રનના લક્ષ્યનો પીછો કરવા ઉતરેલી ભારતીય ટીમને વરસાદના કારણે 23 ઓવરમાં 145 રનનો ટાર્ગેટ મળ્યો હતો. જે ભારતે માત્ર 20.1 ઓવરમાં હાંસલ કરી લીધું હતું.
કેપ્ટન રોહિત શર્માએ સારી ઇનિંગ રમી અને 59 બોલમાં 74 રન બનાવ્યા. જ્યારે શુભમન ગિલે 62 બોલમાં 67 રનની ઇનિંગ રમી હતી. બંને બેટ્સમેન અણનમ પરત ફર્યા હતા. આ જીત સાથે બંને ઓપનિંગ બેટ્સમેન પોતાના ફોર્મમાં પરત ફર્યા છે, જેનો ફાયદો ભારતને આગામી મેચોમાં ચોક્કસપણે જોવા મળી શકે છે.
Click it and Unblock the Notifications
Sign in with Google
