Champions Trophy 2025 : ન્યૂઝીલેન્ડ સામે રોહિત શર્મા સચિન તેંડુલકરનો મોટો રેકોર્ડ તોડી શકે છે
Champions Trophy 2025 : રવિવારે ભારત અને ન્યુઝીલેન્ડ વચ્ચે ચેમ્પિયન્સ ટ્રોફી 2025ની મેચ રમાવાની છે. આ મેચમાં રોહિત શર્મા એક ઐતિહાસિક માઈલસ્ટોન પોતાના નામે કરી શકે છે.
આ રેકોર્ડ તોડતાની સાથે જ રોહિત શર્મા એ લિસ્ટમાં સચિનથી આગળ નીકળી જશે. આ લિસ્ટમાં તેની આગળ ભારતીય ક્રિકેટના ઘણા મોટા નામ સામેલ છે.
જણાવી દઈએ કે, રોહિત શર્માને સચિનનો રેકોર્ડ તોડવા માટે માત્ર 68 રનની જરૂર છે. વનડે કેપ્ટન તરીકે સચિને 73 મેચમાં 2454 રન બનાવ્યા છે.
રોહિત શર્માએ 53 મેચમાં 2387 રન બનાવી લીધા છે. 68 રન બનતાની સાથે જ રોહિત સચિનને પાછળ છોડીને છઠ્ઠા ક્રમે પહોંચશે.
વનડે કેપ્ટન તરીકે ટોચના ભારતીય ખેલાડીઓમાં એમએસ ધોની, વિરાટ કોહલી, મોહમ્મદ અઝહરૂદિન, સૌરવ ગાંગુલી, રાહુલ દ્રવિડ અને સચિન તેંડુલકર સામેલ છે. આ લિસ્ટ પછીનું નામ રોહિત શર્માનું છે.
ચેમ્પિયન્સ ટ્રોફી 2025માં રોહિત શર્માના પ્રદર્શનની વાત કરીએ તો તેણે બાંગ્લાદેશ સામે 41 રન અને પાકિસ્તાન સામે 20 રન બનાવ્યા છે.
રોહિત શર્મા અત્યાર સુધી ચેમ્પિયન્સ ટ્રોફીમાં મોટો સ્કોર નહીં બનાવી શક્યો નથી પરંતુ તેની શરૂઆત મજબૂત રહી છે. ન્યૂઝીલેન્ડ મેચ રોહિત માટે મહત્વની બની રહેશે, કારણ કે તેની પાસે ઈતિહાસ રચવાની તક છે.
જણાવી દઈએ કે, ચેમ્પિયન ટ્રોફીમાં ભારત પહેલા જ બાંગ્લાદેશ અને પાકિસ્તાનને હરાવીને સેમિફાઈનલમાં પ્રવેશી ચુક્યુ છે. ન્યૂઝીલેન્ટ સામેની મેચ માત્ર ઔપચારિકતા છે.
Click it and Unblock the Notifications
Sign in with Google
