DC vs MI Pitch Report: આજે IPLમાં કોણ કરશે ધમાકો, બેટ્સમેન કે બોલર? જાણો પિચ અને વેધર રિપોર્ટ
DC vs MI Pitch and Weather: મુંબઈ ઈન્ડિયન્સ આજે આઈપીએલમાં જીત નોંધાવવાના ઈરાદા સાથે મેદાનમાં ઉતરશે. દિલ્હી કેપિટલ્સ સામેની મેચ અરુણ જેટલી સ્ટેડિયમમાં રમાવાની છે. ડબલ હેડરમાં આ પ્રથમ મેચ છે. દિલ્હી કેપિટલ્સ ટીમે છેલ્લી મેચમાં ગુજરાત સામે જીત મેળવી હતી.
આ સિઝનમાં અત્યાર સુધી ઘણા ભારતીયોનું પ્રદર્શન બહુ સારું રહ્યું નથી. મુંબઈ તેની ચોથી જીતની રાહ જોઈ રહ્યું છે અને તે ટીમના દરેક ખેલાડીના જોરદાર પ્રદર્શનને કારણે જ મળશે. ઘણા ખેલાડીઓ અપેક્ષા મુજબ રમી શક્યા નથી. કેપ્ટન હાર્દિક પંડ્યા પણ તેમાંથી એક છે.
દિલ્હી કેપિટલ્સનો કેપ્ટન ઋષભ પંત આગળથી ટીમનું નેતૃત્વ કરી રહ્યો છે. તે સારી બેટિંગ કરવામાં સફળ રહ્યો છે અને આજે પણ તેની પાસેથી રન બનાવવાની આશા રાખી શકાય છે. ઋષભ પંત ઉપરાંત પૃથ્વી શો અને અન્ય બેટ્સમેન પણ છે. મેચની પિચ અને વેધર રિપોર્ટ જાણવો જરૂરી છે.
દિલ્હી વિ મુંબઈ મેચ પિચ રિપોર્ટ
આ સિઝનમાં અરુણ જેટલી સ્ટેડિયમમાં માત્ર બે મેચ રમાઈ છે અને બંને વખત ખૂબ જ રન જોવા મળ્યા છે. પિચ બોલરોને મદદરૂપ નથી. માત્ર રનોના પહાડ જોવા મળ્યા હતા. આ વખતે પણ પીચ બેટ્સમેનો માટે મદદરૂપ થશે. નાની બાઉન્ડ્રી સાથે બેટિંગ સરળ બની જાય છે.
દિલ્હી વિ મુંબઈ વેધર અપડેટ
હવામાન વિશે વાત કરીએ તો, તે ગરમ જ રહેવાનુ છે. મેચ બપોરે યોજાવાની છે, તાપમાન 40 ડિગ્રી સુધી જવાની સંભાવના છે, આવી સ્થિતિમાં બેટિંગ અને બોલિંગ બંને સરળ રહેશે નહીં. જોકે રાહતની વાત એ છે કે વરસાદની કોઈ શક્યતા નથી. આ સાથે, ચાહકોને સંપૂર્ણ મેચ જોવા મળશે.
દિલ્હી વિ મુંબઈ મેચ ક્યાં જોવી
દિલ્હી કેપિટલ્સ અને મુંબઈ ઈન્ડિયન્સ વચ્ચેની મેચ સ્ટાર સ્પોર્ટ્સ નેટવર્ક દ્વારા ટીવી પર જોઈ શકાય છે. આ સિવાય આ મેચ OTT પ્લેટફોર્મ પર પણ જોઈ શકાશે. મેચનું જીવંત પ્રસારણ Jio સિનેમા એપ્લિકેશન પર કરવામાં આવશે અને મેચ Jioની વેબસાઈટ પર પણ જોઈ શકાશે.
Click it and Unblock the Notifications
Sign in with Google
