‌IND vs NZ: 300મી વને ડે મેચમાં માત્ર 11 રને આઉટ થયો છતા કોહલીના નામે બન્યો રેકોર્ડ, સિદ્ધી હાંસલ પહેલો ભારતીય

ભારતે ગ્રુપ A ની અંતિમ મેચમાં ન્યુઝીલેન્ડ પર 44 રનથી સનસનાટીભર્યા વિજય નોંધાવ્યો અને ગ્રુપ સ્ટેજમાં અજેય રહીને ટોચનું સ્થાન મેળવ્યું. આ મેચમાં વરુણ ચક્રવર્તીનું શાનદાર સ્પિન પ્રદર્શન ભારત માટે નિર્ણાયક સાબિત થયું.

હવે ભારત 4 માર્ચે દુબઈમાં સેમિફાઇનલમાં ઓસ્ટ્રેલિયા સામે ટકરાશે, જ્યારે ન્યુઝીલેન્ડ 5 માર્ચે લાહોરમાં દક્ષિણ આફ્રિકા સામે ટકરાશે.

વિરાટ કોહલીની 300મી વનડે મેચ કદાચ તેના બેટિંગ પ્રદર્શનથી ખાસ ન રહી હોય. પરંતુ, ફિલ્ડિંગ દરમિયાન તેના શાનદાર કેચે તેને એક નવી સિદ્ધિ અપાવી.

વિરાટ કોહલી હવે આંતરરાષ્ટ્રીય ક્રિકેટમાં ભારત માટે સૌથી વધુ કેચ લેનાર ખેલાડી બની ગયો છે. આ મેચમાં ફિલ્ડર તરીકે તે ઇતિહાસ રચવામાં સફળ રહ્યો.

રાહુલ દ્રવિડનો 333 કેચ લેવાનો રેકોર્ડ તોડીને, કોહલીએ 334 કેચ સાથે એક નવો રેકોર્ડ બનાવ્યો છે. રાહુલ દ્રવિડે આંતરરાષ્ટ્રીય ક્રિકેટમાં 637 ઇનિંગ્સ દરમિયાન 333 કેચ પકડવામાં સફળતા મેળવી હતી. જ્યારે કોહલીએ પોતાની કારકિર્દીની 657 ઇનિંગ્સમાં આ સિદ્ધિ મેળવી છે.

વિરાટ કોહલીએ ODI ક્રિકેટમાં 159 કેચ લઈને મોટી સફળતા મેળવી છે. આ સાથે, તે ઓસ્ટ્રેલિયાના રિકી પોન્ટિંગના 160 કેચના રેકોર્ડની નજીક પહોંચી ગયો છે.

જોકે, સૌથી મોટો રેકોર્ડ મહેલા જયવર્ધનેના નામે છે, જેમણે ODI ક્રિકેટમાં 218 કેચ લઈને આ રેકોર્ડ બનાવ્યો હતો. વિરાટ કોહલી માટે આ એક મોટી સિદ્ધિ છે અને આવનારા સમયમાં તે મહેલા જયવર્ધનેનો આ રેકોર્ડ તોડી શકે છે.