ધોનીના જીવનની એ વાતો જે મોટા પડદે પણ બતાવાઇ નથી

By Manisha Zinzuwadia
Subscribe to Oneindia News
For Quick Alerts
ALLOW NOTIFICATIONS
For Daily Alerts

    ટીમ ઇંડિયાના કેપ્ટન કૂલ મહેન્દ્રસિંહ ધોનીએ ભારતીય ક્રિકેટને એ ઉંચાઇએ પહોંચાડ્યુ છે કે જ્યાં તે પહેલા ક્યારેય પહોંચ્યુ નથી, તેમણે પોતાની જબરદસ્ત લીડિંગ ક્ષમતા દ્વારા ટીમનુ લાંબા સમય સુધી નેતૃત્વ કર્યુ છે. કેપ્ટન ધોનીની ક્રિકેટ પીચ સુધીની સફર ઘણી મુશ્કેલ રહી છે અને આ સફરને જ મોટા પડદા પર હાલમાં જ એમએસ ધોની ફિલ્મમાં બતાવાઇ છે.

    mahendra singh dhoni

    પરંતુ ધોનીના જીવનની એવી ઘણી વાતો છે જે તમે કદાચ જાણતા નહિ હોય. એક ટીવી પ્રોગ્રામમાં ધોનીએ પોતાના વિશેની તમામ રસપ્રદ વાતોને લોકો સાથે શેર કરી.

    mahendra singh dhoni

    કેવી રીતે ખરાબ થયુ ધોનીનું ગણિત
    ધોની કહે છે કે છઠ્ઠા ધોરણ સુધી મારુ ગણિત સારુ હતુ, પરંતુ પછી ભૂમિતિ આવ્યુ અને હુ નબળો પડી ગયો. વળી અન્ય વિષયો માટે ધોનીએ કહ્યુ કે ઇતિહાસ મને સમજમાં આવતો નહિ કે અકબર આ સમયે આવ્યો હતો, કેમ આવ્યો હતો, મને ખબર કંઇ ખબર નહોતી પડતી, ઇતિહાસમાં બહુ વાચવુ પડતુ હતુ.

    mahendra singh dhoni

    હિન્દીનો ક્લાસ કરતા હતા બંક
    ધોની કહે છે કે હિન્દીના શિક્ષક તેને ઓછા માર્કસ આપતા હતા. તેઓ કહે છે કે હિન્દીનો ક્લાસ છેલ્લે હોય અને હુ હંમેશા એ ક્લાસ બંક કરી દેતો. ધોની કહે છે કે એક દિવસ જ્યારે મારી બહેન જયંતી ટીચર પાસે ગઇ તો તેમણે તેને કહ્યું કે તારો ભાઇ હિન્દીના ક્લાસમાં બહુ ઓછો દેખાય છે.

    mahendra singh dhoni

    ક્યાં જવા ઇચ્છે છે ટાઇમ મશીનથી
    ધોની કહે છે કે જો ટાઇમ મશીન હોત તો હુ પાછો સ્કૂલના દિવસોમાં જવા ઇચ્છીશ, તેઓ જણાવે છે કે તે એ સમય હતો જેને હું ક્યારેય નહિ ભૂલી શકુ.

    mahendra singh dhoni

    મે ક્યારેય નહોતુ વિચાર્યુ કે ટીમ ઇંડિયા માટે રમીશ
    ધોની કહે છે કે તે જ્યારે રાંચીમાં રમતાં ત્યારે એમણે ક્યારેય વિચાર્યુ નહોતુ કે તે ટીમ ઇંડિયા માટે રમશે. તે જણાવે છે કે સાતમાં ધોરણથી જ તેઓ સતત ક્રિકેટ રમતા હતા. એ વખતે ક્યારેય વિચાર્યુ નહોતુ કે ક્રિકેટ મારુ પ્રોફેશન હશે, ટીમ ઇંડિયા માટે રમવાની વાત વિચારવી તો બહુ દૂરની વાત હતી.

    mahendra singh dhoni

    રાંચીમાં પોતાના ક્રિકેટના દિવસો વિશે જણાવતા ધોની કહે છે કે એ વખતે તે જે ટીમની પણ સામે રમતા તેની સામે જીતવાના ઇરાદાથી જ તે મેદાનમાં ઉતરતા. અમુક લોકો કહેતા કે તુ એક દિવસ ટીમ ઇંડિયા માટે જરુર રમીશ.

    mahendra singh dhoni

    સચિનને જોવા માટે રહેતા હતા આતુર
    ધોની સચિનના બહુ મોટા ફેન હતા, તે જણાવે છે કે જ્યારે હુ નાનો હતો ત્યારે સચિને ડેબ્યૂ કર્યુ હતુ, મે પપ્પાને કહ્યું હતુ કે જ્યારે સચિન બેટિંગ કરવા આવે તો મને જગાડી દેજો. હું તેમને જોવા માંગતો હતો. સચિન જેવા આઉટ થતા કે હું સૂઇ જતો. તેઓ હંમેશા મારા માટે સાચી પ્રેરણા હતા.

    mahendra singh dhoni

    પરિવારનો મળ્યો સહયોગ
    ધોની જણાવે છે કે તેમને કોઇ પણ રમત રમવા માટે રોકવામાં આવ્યો નથી. સાંજે 4-6 વચ્ચે કોઇ પણ રમત રમવાની મંજૂરી હતી. મારા ઘરના લોકોએ મને ક્યારેય પણ નિરુત્સાહ કર્યો નથી.

    mahendra singh dhoni

    હું ક્યારેય જૂઠ બોલતો નથી એનો અર્થ એ નહિ કે હું હંમેશા સાચુ જ બોલુ છું
    ધોની જણાવે છે કે હું ક્યારેય જૂઠ બોલતો નથી એનો અર્થ એ નહિ કે હું હંમેશા સાચુ જ બોલુ છું. હું જૂઠ બોલવાના બદલે ચૂપ રહેવાનુ પસંદ કરુ છું. મારા જીવનના અમુક નિયમો છે જેને હું પાળવાનુ પસંદ કરુ છું. હું ઇચ્છુ છુ કે જ્યારે હું ક્રિકેટ ના રમુ ત્યારે લોકો મને સારા માણસ તરીકે ઓળખે. તે ઇચ્છે છે કે લોકો તેમને સારા ખેલાડી કરતા સારા માણસ તરીકે યાદ રાખે.

    mahendra singh dhoni

    ધોનીના ફેવરેટ કલાકાર
    ધોની જણાવે છે કે 1 થી લઇને 10 સુધી તેમને અમિતાભ બચ્ચન પસંદ છે. તેમના ડાયલૉગ તેમને ઘણી ફિલ્મોમાં ખૂબ પસંદ છે. અમિતજી આજે પણ લોકોને પોતાના કામથી પ્રેરિત કરે છે.

    mahendra singh dhoni

    ફિલ્મોમાં આવશે કે નહિ
    બૉલીવુડમાં આવવાના સવાલ પર ધોની જણાવે છે કે ફિલ્મોમાં તમારે સ્ક્રીપ્ટ પ્રમાણે કામ કરવાનુ હોય છે એવામાં ફિલ્મોમાં કામ કરવુ મુશ્કેલ છે. હું તેનાથી દૂર જ રહેવા માંગીશ.

    mahendra singh dhoni

    આ ગાયકો છે ધોનીની પસંદ
    ધોનીને જૂના ગીતો બહુ ગમે છે, તે જણાવે છે કે જૂના ગીતો અર્થસભર હોય છે. તેઓ જણાવે છે કે કિશોર કુમાર અને મુકેશ બહુ ગમે છે.

    mahendra singh dhoni

    બપોરે 2.30 વાગે ઉઠે છે ધોની
    ધોની કહે છે કે તેમને મેચ પહેલા જલ્દી ઉઠવાનું પસંદ નથી કારણકે આમ કરવાથી તેને ઘણા સમય સુધી વિચારવુ પડે છે. એટલે જ ટેસ્ટ મેચ હોય તો હું સવારે 8.30 વાગે અને જો ટી-20 મેચ હોય તો હું 2.30 વાગે ઉઠુ છું. આ દરમિયાન હું એક કલાક પ્લે સ્ટેશન પણ રમુ છુ.

    mahendra singh dhoni

    ધોની પાસે છે 35 ગાડીઓ
    ધોની જણાવે છે કે તેમની પાસે કુલ 35 ગાડીઓ છે, બધી બે પૈડાવાળી છે. જેમાં 20-25 ગાડીઓ જૂના મૉડેલની છે. તેઓ જણાવે છે કે તેમને ગાડી ઝડપથી ચલાવવાનુ પસંદ નથી. ધોની પાસે 2 સ્ટ્રોક બાઇક પણ છે જે 350 સીસીની છે, એવામાં તે જ્યારે આ બાઇક પર હેલમેટ પહેરીને નીકળે છે તો કોઇ તેમને ઓળખી પણ શકતુ નથી.

    mahendra singh dhoni

    ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો

    English summary
    Dhoni reveals his life secret about schools bike cricket and many more. He says he was very weak in Maths and did not like hindi .

    For Breaking News from Gujarati Oneindia
    Get instant news updates throughout the day.

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more