Happy Birthday Hitman: 36 વર્ષનો થયો રોહિત શર્મા, 60 ફૂટ ઉંચા કટાઉટ સામે ફેન્સે મનાવ્યો બર્થ ડે

Published: Sunday, April 30, 2023, 13:46 [IST]

ભારતીય ક્રિકેટ ટીમ અને મુંબઈ ઈન્ડિયન્સનો કેપ્ટન રોહિત શર્મા આજે એટલે કે 30મી એપ્રિલે પોતાનો 36મો જન્મદિવસ ઉજવી રહ્યો છે. દરમિયાન, મુંબઈ ઈન્ડિયન્સની ટીમે રાજસ્થાન રોયલ્સ સામેની આજની મેચ પહેલા પોતાના કેપ્ટનનો જન્મદિવસ ઉજવ્યો હતો.

આજે IPL 2023માં, મુંબઈ ઈન્ડિયન્સ અને રાજસ્થાન રોયલ્સ વચ્ચે સાંજે ડબલ હેડરની મેચ છે જે મુંબઈના વાનખેડે સ્ટેડિયમમાં યોજાવા જઈ રહી છે. રોહિતના જન્મદિવસ પર હૈદરાબાદમાં રોહિતનો લગભગ 60 ફૂટ લાંબો કટઆઉટ બનાવવામાં આવ્યો છે, જે હાલમાં ચર્ચામાં છે.

હૈદરાબાદના આ કટઆઉટની આસપાસ ચાહકો તેમના મનપસંદ ખેલાડી અને કેપ્ટનના જન્મદિવસની ઉજવણી કરવા માટે એકઠા થયા હતા. તમે આ વિડિયો પણ અહીં જોઈ શકો છો. રસપ્રદ વાત એ છે કે આટલું વિશાળ કટઆઉટ કોઈપણ ક્રિકેટર માટે અત્યાર સુધીનું સૌથી ઉંચુ છે.

Rohit Sharma's fans celebrating the birthday of their Hero and Idol in Hyderabad.

What a beautiful video!#HappyBirthdayRohit pic.twitter.com/MCCBzbEClM
— CricketMAN2 (@ImTanujSingh) April 30, 2023

ભારતીય ક્રિકેટ ટીમમાં વિરાટ કોહલી બાદ રોહિત શર્મા બીજા નંબરનો સૌથી વધુ ફોલો કરવામાં આવતો ખેલાડી છે. અને રોહિતના જન્મદિવસ પર કોહલીના ચાહકો પણ રોહિત માટે શુભેચ્છાઓ મોકલી રહ્યા છે.

To मुंबईचा राजा, our skipper, आपला 𝗥𝗼, sab ka Hitman: here’s to a journey of a lifetime and so much more to come. 💙

Happy birthday, @ImRo45. 🥳🥹#OneFamily #HappyBirthdayRohit #MumbaiMeriJaan #MumbaiIndians pic.twitter.com/Km3W60zHEW
— Mumbai Indians (@mipaltan) April 29, 2023

મજાની વાત એ છે કે બરાબર 10 વર્ષ પહેલા રોહિતે રિકી પોન્ટિંગ પાસેથી મુંબઈ ઈન્ડિયન્સની કપ્તાની સંભાળી હતી. IPL 2013માં તેણે પોતાની ટીમને IPL ટ્રોફી વિજેતા બનાવી હતી. ત્યારથી, મુંબઈ ઈન્ડિયન્સે લીગ ઈતિહાસની સૌથી સફળ ટીમ તરીકે પોતાને સ્થાપિત કરવા માટે વધુ ચાર ખિતાબ જીત્યા છે.

IPLમાં ધોની પછી રોહિતની જીતની ટકાવારી સૌથી વધુ છે. ચેન્નાઈ સુપર કિંગ્સના કેપ્ટન તરીકે ધોનીએ 58% મેચો જીતી છે. આજે, રોહિતને તેના જન્મદિવસ પર તેની ટીમ તરફથી વિજયની ભેટ ગમશે કારણ કે મુંબઈ ઈન્ડિયન્સની ટીમ હાલમાં 7 મેચમાંથી ત્રણ જીત અને ચાર હાર સાથે પોઈન્ટ ટેબલમાં 9માં નંબરે છે, માત્ર 6 પોઈન્ટ એકઠા કર્યા છે.

રોહિતના બેટમાંથી આ વખતે વધારે રન નથી આવ્યા. જોવાનું એ રહેશે કે આજના ખાસ દિવસે મુંબઈ ઈન્ડિયન્સ અને રોહિત શર્મા એકબીજાને શું ગિફ્ટ આપે છે.

Huge crowd emerged in Hyderabad to see Rohit sharma's cutout today on his birthday. 🔥#HappyBirthdayRohit pic.twitter.com/Rgk7FwYZta
— Mufaddal Vodra (@mufaddal_vodra) April 30, 2023

Published On April 30, 2023