ICC World Cup 2019: સાઉથ આફ્રિકા સામે ભારતનો 6 વિકેટે વિજય

નવી દિલ્હીઃ ભારતીય ટીમના વર્લ્ડ કપ પ્રવાસનો આજથી શુભારંભ થઈ ગયો છે. પહેલી મેચ સાઉથ આફ્રિકા સામે ભારત રમાઈ. જેમાં સાઉથ આફ્રિકાએ ટોસ જીતી પહેલા બેટિંગ પર પસંદગી ઉતારી હતી. ભારતીય ટીમ પહેલી જ મેચમાં જીત સાથે વર્લ્ડ કપમાં સારી શરૂઆત કરી દીધી છે. જો કે સાઉથ આફ્રિકાને પહેલી ત્રણેય મેચમાં હારનો સામનો કરવો પડ્યો.

પહેલા બેટિંગ કરી સાઉથ આફ્રિકા 50 ઓવરમાં 9 વિકેટ ગુમાવી 227 રન જ બનાવી શક્યું હતું. સૌથી વધુ 42 રન ક્રિસ મોરીસે ફટકાર્યા હતા, કગીસો રબાડાએ 31, એન્ડાઈલ ફેહલુવાયોએ 34 અને ફાફ ડુપ્લેસિસે 38 જ્યારે કિલ્લર મિલ્લરે 31 રન બનાવ્યા હતા. યુઝવેન્દ્ર ચહલે શાનદાર બોલિંગ કરતાં 10 ઓવરમાં 51 રન આપી 4 વિકેટ ખેરવી લીધી હતી. ભૂવનેશ્વર કપૂરે 10 ઓવરમાં 44 રન આપી 2 વિકેટ, જસપ્રીત બુમરાહે 10 ઓવરમાં 35 રન આપી 2 વિકેટ જ્યારે કુલદિપ યાદવે 10 ઓવરમાં 46 રન આપી 1 વિકેટ ખેરવી હતી.

ભારતીય ટીમને 228 રનનો ટાર્ગેટ મળ્યો હતો, જેના જાબમાં શિખર ધવન માત્ર 8 રનમાં જ્યારે કોહલી 18 અને લોકેશ રાહુલ 26 રનમાં આઉટ થઈ ગયા હતા. જો કે હિટમેન રોહિત શર્માએ 122 રનની શાનદાર ઈનિંગ રમી જ્યારે ધોનીએ 34 રનની ઈનિંગ રમી. જ્યારે હાર્દિક પંડ્યાએ 7 બોલમાં 15 રન બનાવી ભારતીય ટીમને વર્લ્ડ કપમાં પહેલી જીત અપાવી.

English summary

ICC World Cup 2019: India won its first match of world cup 2019 against south africa