World Cup 2023: IND vs AUS મેચ પર વરસાદનું જોખમ, જાણો મોસમનો મિજાજ
IND vs AUS, world cup 2023: ભારતીય ટીમ વિશ્વ કપમાં આજે પોતાની મેચ સાથે અભિયાનની શરૂઆત કરશે. ઓસ્ટ્રેલિયાની સામે ભારત એમએ ચિદમ્બરમ સ્ટેડિયમ (ચેપોક)માં રમશે. આવામાં આ મેચ પર વરસાદનું જોખમ તોળાઇ રહ્યું છે.
ભારતની બંને વોર્મ-અપ મેચ વરસાદને કારણે રદ્દ કરવામાં આવી હતી. વર્લ્ડ કપની શરૂઆત પહેલા ભારતીય ટીમને પ્રેક્ટિસ મેચમાં રમવાની તક મળી ન હતી.
વરસાદ પડશે કે નહીં - ભારતની બંને પ્રેક્ટિસ મેચ વરસાદના કારણે રમાઈ શકી નથી. આવી સ્થિતિમાં ભારતીય ટીમનો પ્રથમ મુકાબલો ચેન્નાઈના મેદાન પર ઓસ્ટ્રેલિયા સામે થશે. ફેન્સ ફરી એકવાર હવામાનને લઈને ચિંતિત છે.
ભારત અને ઓસ્ટ્રેલિયા વચ્ચેની મેચ વરસાદ બગાડી શકે છે, પરંતુ સારા સમાચાર એ છે કે, વરસાદની સંભાવના ઘણી ઓછી છે, એટલે કે વરસાદ થોડા સમય માટે જ મેચમાં તેની અસર છોડી શકશે.
જાણો કેવું રહેશે હવામાન - પ્રથમ દાવ દરમિયાન વરસાદને કારણે રમત થોડો સમય બંધ થઈ શકે છે, પરંતુ બીજી ઈનિંગમાં વરસાદની બિલકુલ શક્યતા નથી.
8 ઓક્ટોબરના રોજ ચેન્નાઈ શહેરનું તાપમાન દિવસ દરમિયાન ઘટીને 34 ડિગ્રી અને રાત્રે 27 ડિગ્રી સેલ્સિયસ થઈ જશે. દિવસ અને રાત્રિ દરમિયાન આકાશ આંશિક વાદળછાયું રહેશે. દિવસ દરમિયાન વરસાદની સંભાવના 24 ટકા અને રાત્રે 15 ટકા છે.
ભારતે સિરીઝ જીતી હતી - ઓસ્ટ્રેલિયાએ તાજેતરમાં ભારત સામે ત્રણ મેચની વનડે સિરીઝ રમી હતી. ભારતે આ શ્રેણી 2-1થી જીતી લીધી હતી. વર્લ્ડ કપમાં બંને ટીમો જીત સાથે અભિયાનની શરૂઆત કરવાનો પ્રયાસ કરશે. ભારતે વનડે શ્રેણીમાં જોરદાર પ્રદર્શન કર્યું હતું.
રોહિત શર્મા અને વિરાટ કોહલીની ગેરહાજરીમાં ટીમે પ્રથમ બે મેચ જીતી હતી. એ અલગ વાત છે કે, ઓસ્ટ્રેલિયન ટીમ પણ આ સિરીઝમાં પૂરી તાકાત સાથે ઉતરી શકી નથી. આવી સ્થિતિમાં બંને ટીમો પોતાની સર્વશ્રેષ્ઠ પ્લેઈંગ ઈલેવન સાથે વર્લ્ડ કપમાં પ્રવેશવા જઈ રહી છે.
Click it and Unblock the Notifications
Sign in with Google
