IND vs PAK : શાનદાર સદી સાથે કેએલ રાહુલના નામે મોટો રેકોર્ડ નોંધાયો, સચિન-સેહવાગ ક્લબમાં સામેલ થયો
એશિયા કપના રોમાંચલ મુકાબલામાં ભારતે પાકિસ્તાનને હરાવીને શાનદાર જીત હાંસલ કરી છે. ઓઆ જીતમાં ભારત માટે કેએલ રાહુલે શાનદાર સદીથી મોટુ યોગદાન આપ્યુ. આ સદી સાથે તે હવે સચિન-સેહવાગ ક્લબમાં સામેલ થઈ ગયો છે.
એશિયા કપમાં પાકિસ્તાન સામે સદી ફટકારનાર ભારતીય ખેલાડીઓની યાદીમાં કેએલ રાહુલનું નામ સામેલ થયુ છે. 106 બોલમાં 111 રનની શાનદાર ઈનિંગ રમીને રાહુલ અણનમ રહ્યો. એશિયા કપમાં પાકિસ્તાન સામે સદી ફટકારનાર તે પાંચમો ભારતીય બન્યો છે.
કેએલ રાહુલ પહેલા ભારતના ચાર ખેલાડીઓ આ કારનામું કરી ચુક્યા છે. આ લિસ્ટમાં સચિન તેંડુલકર, વિરેન્દ્ર સેહવાગ, શિખર ધવન અને રોહિત શર્માના નામ સામેલ છે. કેએલ રાહુલ પાંચમો અને વિરાટ કોહલી છઠ્ઠો બેટ્સમેન બન્યો છે. કેએલ રાહુલ ઈજા બાદ પરત ફર્યો હતો અને કમબેક કરતા શાનદાર ઈનિંગ રમી.
આ સિવાય તેની સાથે વિરાટ કોહલીએ ઝડપી બેટિંગ કરીને વનડે ક્રિકેટમાં પોતાના 13 હજાર રન પૂરા કર્યા.આ મેચમાં કોહલીએ પોતાના વન ડે કરિયરની 47મીં સદી ફટકારી. હવે સચિનના રેકોર્ડથી તે માત્ર 2 સદી દુર છે.
આ સિવાય બન્નેએ પાર્ટનરશીપમાં પણ નવો રેકોર્ડ નોંધાવ્યો. બંનેએ એશિયા કપના ઈતિહાસમાં ત્રીજી વિકેટ માટે સૌથી મોટી ભાગીદારીનો રેકોર્ડ બનાવ્યો. કોહલી અને કેએલ રાહુલ વચ્ચે ત્રીજી વિકેટ માટે 233 રનની અણનમ ભાગીદારી જોવા મળી.
Click it and Unblock the Notifications
Sign in with Google
