IND vs SA 3rd T20I: ટીમ ઈન્ડિયાએ ટોસ જીતીને પહેલા બોલિંગ કરવાનો લીધો નિર્ણય
IND vs SA 3rd T20I: હિમાચલ પ્રદેશની ઠંડી પહાડીઓમાં આજે ભારત અને દક્ષિણ આફ્રિકા વચ્ચે ત્રીજો અને નિર્ણાયક ટી20 મુકાબલો રમાઈ રહ્યો છે. સિરીઝ હાલમાં 1-1ની બરાબરી પર હોવાથી, આ મેચ શ્રેણીમાં કઈ ટીમ લીડ લે છે તે નક્કી કરશે. ભારતીય કેપ્ટન સૂર્યકુમાર યાદવે ટોસ જીતીને પહેલા બોલિંગ (ગેંદબાજી) કરવાનો નિર્ણય લીધો છે.
આજે ધર્મશાલામાં ક્રિકેટનો ઉત્સાહ ચરમસીમાએ છે અને ચાહકોને એક હાઈ-વોલ્ટેજ મુકાબલો જોવા મળશે તેવી અપેક્ષા છે.
ટોસ જીતીને કેપ્ટન સૂર્યાએ શું કહ્યું?
ટોસ જીત્યા બાદ કેપ્ટન સૂર્યકુમાર યાદવે કહ્યું કે, "અમે પહેલા બોલિંગ કરીશું. વિકેટ સારી લાગી રહી છે અને અમને નથી લાગતું કે તેમાં બહુ ફેરફાર થશે. પાછળથી ઝાકળ (ડ્યૂ) આવશે, તેથી અમે પહેલા બોલિંગ કરવા માગતા હતા."
તેમણે વધુમાં ઉમેર્યું, "આ સ્થળ શાનદાર છે, મેદાન પણ શાનદાર છે અને આશા છે કે અમે દર્શકોનું ભરપૂર મનોરંજન કરીશું. દરેક મેચ મહત્ત્વપૂર્ણ હોય છે અને રમતની સુંદરતા એ છે કે તમે હાર્યા પછી કેવી રીતે વાપસી કરો છો. અમે બેખૌફ ક્રિકેટ રમવા માગીએ છીએ."
ભારતીય ટીમમાં ફેરફાર
બીજા ટી20માં બેટિંગમાં નિષ્ફળતા અને બોલિંગના નબળા પ્રદર્શન બાદ આજે ભારતીય ટીમમાં બે ફેરફાર કરવામાં આવ્યા છે.
- અક્ષર પટેલની જગ્યાએ હર્ષિત રાણાને તક મળી છે.
- જસપ્રીત બુમરાહની જગ્યાએ કુલદીપ યાદવનો સમાવેશ કરાયો છે.
ગયા મુકાબલામાં માત્ર તિલક વર્માએ જ શાનદાર અડધી સદી ફટકારીને જવાબદારી સંભાળી હતી. આજના નિર્ણાયક મુકાબલામાં ભારતને ટોપ અને મિડલ ઓર્ડરના બેટ્સમેનો પાસેથી મજબૂત પ્રદર્શનની અપેક્ષા છે.
આજની પ્લેઇંગ ઇલેવન
ભારતની પ્લેઇંગ XI
અભિષેક શર્મા, શુભમન ગિલ, સૂર્યકુમાર યાદવ (કેપ્ટન), તિલક વર્મા, હાર્દિક પંડ્યા, શિવમ દુબે, જીતેશ શર્મા (વિકેટકીપર), હર્ષિત રાણા, અર્શદીપ સિંહ, કુલદીપ યાદવ, વરુણ ચક્રવર્તી,
સાઉથ આફ્રિકાની પ્લેઇંગ XI
રીઝા હેન્ડ્રિક્સ, ક્વિન્ટન ડી કૉક (વિકેટકીપર), એડન માર્કરમ (કેપ્ટન), ડેવૉલ્ડ બ્રેવિસ, ટ્રિસ્ટન સ્ટબ્સ, ડોનોવન ફરેરા, માર્કો યાનસન, કોર્બિન બોશ, એનરિચ નોર્ખિયા, લુંગી એનગિડી, ઓટનીલ બાર્ટમેન,
Click it and Unblock the Notifications
Sign in with Google
