IND vs SA: ફાઈનલ T20 મેચમાં કોણ કરશે શુભમન ગિલને રિપ્લેસ? આ ખેલાડીની થશે ટીમ ઈન્ડિયામાં એન્ટ્રી

IND vs SA: ભારત અને દક્ષિણ આફ્રિકા વચ્ચે પાંચ ટી-20 મેચોની શ્રેણીનો અંતિમ અને રોમાંચક મુકાબલો આવતીકાલે અમદાવાદના નરેન્દ્ર મોદી સ્ટેડિયમમાં રમાશે. લખનૌમાં રમાનારી ચોથી મેચ ધુમ્મસને કારણે રદ થયા બાદ હવે આ સીરીઝ જીતવા માટે બંને ટીમો માટે આ મેચ 'ફાઈનલ' સમાન બની ગઈ છે. દક્ષિણ આફ્રિકા માટે આ 'કરો કે મરો'ની સ્થિતિ છે, જ્યારે ભારત શ્રેણી કબજે કરવા મેદાને ઉતરશે.

શુભમન ગિલ ઈજાગ્રસ્ત, પ્લેઈંગ ઈલેવનમાં થશે ફેરફાર

ટીમ ઈન્ડિયા માટે ચિંતાના સમાચાર એ છે કે સ્ટાર ઓપનર શુભમન ગિલ પગની ઈજાને કારણે ટીમની બહાર છે. લખનૌ મેચ પહેલા જ તે ઈજાગ્રસ્ત થયો હતો અને રિપોર્ટ્સ અનુસાર તે અમદાવાદમાં રમાનારી અંતિમ મેચમાં પણ રમી શકશે નહીં. ગિલની ગેરહાજરીમાં કેપ્ટન સૂર્યકુમાર યાદવ અને કોચ માટે ઓપનિંગ જોડી નક્કી કરવી એ મોટો પડકાર છે.

શું સંજુ સેમસન કરશે ધમાકેદાર વાપસી?

ગિલની જગ્યા લેવા માટે વિસ્ફોટક બેટ્સમેન સંજુ સેમસનનું નામ સૌથી આગળ ચાલી રહ્યું છે. સેમસન અગાઉ દક્ષિણ આફ્રિકા સામે સદી ફટકારીને પોતાની ક્ષમતા સાબિત કરી ચૂક્યો છે. તે અભિષેક શર્મા સાથે મળીને ભારતને તોફાની શરૂઆત અપાવી શકે છે. અમદાવાદની બેટિંગ ફ્રેન્ડલી પિચ પર આ બંને બેટ્સમેનો આફ્રિકન બોલરો માટે મુસીબત બની શકે છે.

સૂર્યાના બેટથી રનની અપેક્ષા

ભારતીય કેપ્ટન સૂર્યકુમાર યાદવ છેલ્લા કેટલાક સમયથી ફોર્મમાં નથી. અમદાવાદની પિચ બેટ્સમેનોને મદદરૂપ રહેતી હોવાથી ચાહકોને આશા છે કે 'મિસ્ટર 360' પોતાના હોમ ગ્રાઉન્ડ પર રનનો વરસાદ કરશે. મિડલ ઓર્ડરમાં તિલક વર્મા અને હાર્દિક પંડ્યા મજબૂત ફોર્મમાં છે, જે ભારત માટે પ્લસ પોઈન્ટ છે.

ભારતની સંભવિત પ્લેઈંગ XI:

અભિષેક શર્મા, સંજુ સેમસન, તિલક વર્મા, સૂર્યકુમાર યાદવ (કેપ્ટન), હાર્દિક પંડ્યા, શિવમ દુબે, જીતેશ શર્મા (વિકેટકીપર), હર્ષિત રાણા, અર્શદીપ સિંહ, કુલદીપ યાદવ અને વરુણ ચક્રવર્તી.

બહાર બેસેલા ખેલાડીઓ: વોશિંગ્ટન સુંદર, જસપ્રીત બુમરાહ, શાહબાઝ અહેમદ અને શુભમન ગિલ (ઈજાગ્રસ્ત).

English summary

IND vs SA 5th T20 (Dec 19): With Shubman Gill ruled out due to a toe injury, Sanju Samson is set to open alongside Abhishek Sharma at Narendra Modi Stadium, Ahmedabad.