IND vs SA : કોણ છે ભારત માટે ડેબ્યુ કરનાર રમનદીપ સિંહ? KKR એ ઓક્શન પહેલા જ કરોડો ચુકવ્યા

Ramandeep Singh Debut : ભારતીય ક્રિકેટ ટીમમાં રમનદીપ સિંહે ડેબ્ચુ કર્યુ છે. દક્ષિણ આફ્રિકા સામે T20 મુકાબલાથી રમનદીપ સિંહે ઈન્ટરનેશનલ કરિયરની શરૂઆત કરી છે.

દક્ષિણ આફ્રિકા સામે ત્રીજા T20 મુકાબલામાં ભારતીય ટીમમાં મોટા ફેરફાર કરાયા છે. દક્ષિણ આફ્રિકન કેપ્ટન એડન માર્કરામે ટોસ જીતીને પ્રથમ બોલિંગ કરવાનો નિર્ણય કર્યો છે.

આ વખતે અવેશ ખાનની જગ્યાએ ભારતીય ટીમમાં રમનદીપ સિંહને ભારતીય ટીમમાં સામેલ કરવામાં આવ્યો છે. રમનદીપ સિંહ આ તકનો ફાયદો ઉઠાવીને પોતાની જગ્યા પાક્કી કરવા ઇચ્છશે.

રમનદીપ સિંહને IPLમાં તેના શાનદાર પ્રદર્શનનું ફળ મળ્યું છે. IPL 2024 માં રમનદીપે શાનદાર બોલિંગ અને બેટિંગથી ચાહકોને પ્રભાવિત કર્યા હતા. અવેશ ખાનની જગ્યાએ રમનદીપ સિંહને ટીમમાં જગ્યા મળી છે. સેન્ચુરિયનમાં રમાઈ રહેલી આ મેચમાં રમનદીપ ટીમ માટે ફાયદાકારક સાબિત થઈ શકે છે.

રમનદીપ સિંહ પોતાની T20 કારકિર્દીમાં શાનદાર ઓલરાઉન્ડ પ્રદર્શન કર્યું છે. રમનદીપ માટે 57 મેચની 37 ઇનિંગ્સમાં 544 રન બનાવ્યા અને 170ના સ્ટ્રાઇક રેટ સાથે બેટિંગ કરી. આ સાથે તેની બોલિંગ શાનદાર રહી અને 16.06ની એવરેજ તેમજ 7.86ની ઈકોનોમી સાથે 16 વિકેટ લીધી છે.

તેનું સર્વશ્રેષ્ઠ બેટિંગ પ્રદર્શન 64 રન છે, જ્યારે બોલિંગમાં 20 રનમાં 3 વિકેટ લેવી તેના માટે ખાસ વાત રહી છે. રમનદીપને KKR દ્વારા IPL 2025 માટે 4 કરોડ રૂપિયા ચૂકવીને રિટેન કર્યો છે.

રમનદીપ આઈપીએલમાં કોલકાતા નાઈટ રાઈડર્સ અને મુંબઈ ઈન્ડિયન્સ જેવી ટીમોનો ભાગ રહ્યો છે. રમનદીપ સિંહે વર્ષ 2022માં IPLમાં પોતાની કારકિર્દીની શરૂઆત કરી હતી, જ્યાં તેણે પાંચ મેચમાં 45 રન બનાવ્યા હતા અને બોલિંગમાં 6 વિકેટ પણ લીધી હતી.

2024માં KKR માટે રમતી વખતે તેનું પ્રદર્શન થોડું અલગ હતું. તેણે 14 મેચમાં 201.61ના સ્ટ્રાઈક રેટથી 125 રન બનાવ્યા પરંતુ બોલિંગમાં તેને કોઈ વિકેટ મળી નથી.

English summary

IND vs SA : Who is Ramandeep Singh to debut for India? KKR paid crores before the auction