Video: ઑસ્ટ્રેલિયા સામેની 4થી વન ડેમાં ધોનીની અવિશ્વસનીય ભૂલ

ભારત વિ. ઑસ્ટ્રેલિયા: મહેન્દ્ર સિંહ ધોનીએ એરોન ફિંચને આઉટ કરવાનો ચાન્સ ગુમાવ્યો, જુઓ વીડિયો.

By Shachi

| Published: Friday, September 29, 2017, 11:27 [IST]

દુનિયાના સૌથી શ્રેષ્ઠ વિકેટકીપર મનાતા મહેન્દ્ર સિંહ ધોની મોટા ભાગે સ્ટંમ્પ પાછળની પોતાની સ્ફૂર્તિથી લોકોને આશ્ચર્યચકિત કરી દે છે. બેટ્સમેન થોડા પણ આગળ નીકળે કે, ધોની એ ક્ષણનો લાભ લઇ તરત તેને આઉટ કરે. પરંતુ ઑસ્ટ્રેલિયા સામે રમાયેલ 4થી વન ડે મેચમાં ધોની પોતાની આ સમયસૂચકતા વાપરવાનું ચૂકી જતાં ટીમ ઇન્ડિયાએ મેચ જીતવાની તક ગુમાવી હતી. સ્ટેડિયમમાં બેઠેલા દર્શકોને પણ ત્યારે જાણે વિશ્વાસ નહોતો થયો કે, આવી ભૂલ ધોનીથી થઇ શકે.

ઑસ્ટ્રેલિયાના દાવમાં 23મી ઓવર રમી રહેલ એરોન ફિંચ 47 રન બનાવી ચૂક્યા હતા, ભારત તરફથી યુજવેન્દ્ર બોલિંગ કરી રહ્યા હતા. યુજવેન્દ્ર ચહલના સ્પિન બોલ પર શોટ લગાવવા માટે ફિંચ ક્રિઝ પર આગળ વધ્યા, પરંતુ ચૂકી ગયા અને બોલ પાછળ જતો રહ્યો. આ ક્ષણે સૌને લાગ્યું કે, ધોની આ તકનો લાભ લઇ ફિંચને આઉટ કરશે, પરંતુ ધોની પણ બોલ ઝડપાવની તક ચૂકી ગયા અન ફિંચને જીવનદાન મળ્યું.

ફિંચે આ તકનો પૂરો લાભ ઉઠાવતા ત્યાર બાદ 3 છગ્ગા અને 3 ચોગ્ગા ફટકારી 94 રન બનાવ્યા. ફિંચ અને ડેવિડ વોર્નરે મળી 231 રનની ભાગીદારી નોંધાવી. આ કારણે જ ઑસ્ટ્રેલિયાની ટીમ 334 રનનો વિશાળ સ્કોર કરવામાં સફળ રહી અને ભારતીય ટીમને 21 રનથી હારવાનો વારો આવ્યો.

ધોનીની આ ભૂલનો વીડિયો જુઓ અહીં...