ICC U19 Women's T20 World Cup : ભારતે જીત્યો અંડર 19 મહિલા ટી20 વર્લ્ડ કપ, રચ્યો ઇતિહાસ

ICC U19 Women's T20 World Cup : ભારતીય ટીમે ફાઇનલ મેચમાં શરૂઆતથી જ ઈંગ્લેન્ડ પર પોતાની પકડ મજબૂત બનાવી લીધી હતી, ભારતીય ટીમે પ્રથમ એડિશન જીતીને ઈતિહાસ રચ્યો છે. ભારતીય ટીમ ફાઇનલમાં ઇંગ્લેન્ડને હરાવીને ચેમ્પિયન બની હતી.

ICC U19 Women's T20 World Cup : આઇસીસી મહિલા અંડર 19 ટી20 વર્લ્ડ કપની પહેલી સિઝન જીતીને ભારતીય ટીમે ઇતિહાસ રચી દીધો છે. ટીમ ઇન્ડિયાએ પોચફ્સડ્રમમાં રમાયેલી ફાઇનલ મેચમાં ઇગ્લેન્ડને 7 વિકેટે હરાવ્યું હતું. પહેલા બેટિંગ કરવા ઉતરેલી ટીમ 18 ઓવરમાં ફક્ત 68 રન પર સમગ્ર ટીમ પેવેલિયન ભેગી થઇ ગઇ હતી. જે બાદ ભારતે આ મેચ સરળતાથી જીતી લીધી હતી.

ભારતીય ટીમની કેપ્ટન શેફાલી વર્માએ ટોસ જીતીને પ્રથમ બોલિંગ કરવાનો નિર્ણય કર્યો હતો. જે યોગ્ય નિર્ણય સાબિત થયો હતો. ઈંગ્લેન્ડની ઓપનર લિબર્ટી હીપ ખાતું ખોલાવ્યા વગર જ આઉટ થઈ ગઇ હતી. જે બાદ ફિયોના હોલેન્ડ પણ 10 રન બનાવીને આઉટ થઈ ગઈ હતી.

ગ્રેસ સ્ક્રિવેન્સ પણ 4 રન બનાવીને આઉટ થઇ ગઇ હતી. આ રીતે ઈંગ્લેન્ડની ટીમ સંપૂર્ણ રીતે દબાણમાં આવી ગઈ હતી. ઇંગ્લિશ ટીમ તરફથી સૌથી વધુ રન બનાવનારી ખેલાડી રિયાના મેકડોનાલ્ડ હતી, જેણે બેટથી 19 રન બનાવ્યા હતા. 18મી ઓવરમાં ઈંગ્લેન્ડની આખી ટીમ 68 રન બનાવીને આઉટ થઈ ગઈ હતી.

ભારતીય ટીમ માટે ત્રણ બોલર્સે 2-2 વિકેટ ઝડપી હતી. તિતાસ સાધુને 2 વિકેટ મળી હતી. તેમના સિવાય અર્ચના દેવી અને પ્રશ્વી ચોપરાએ પણ 2-2 વિકેટ લીધી હતી. મન્નત કશ્યપ, શેફાલી વર્મા અને સોનમ યાદવે પણ કેટલાક પ્રભાવશાળી બોલિંગ પ્રદર્શન કર્યા હતા. આ ત્રણ બોલરોએ પોતાના ખાતામાં 1-1 વિકેટ પણ શામેલ કરી હતી. આ રીતે ટીમ ઈન્ડિયા માટે દરેક બોલરને વિકેટ મળી હતી.

𝗖.𝗛.𝗔.𝗠.𝗣.𝗜.𝗢.𝗡.𝗦! 🏆🎉

Meet the winners of the inaugural #U19T20WorldCup

INDIA 🇮🇳 #TeamIndia pic.twitter.com/ljtScy6MXb

— BCCI Women (@BCCIWomen) January 29, 2023

જે બાદ ભારતે સુકાની શેફાલી વર્માની વિકેટ વહેલી ગુમાવી દીધી હતી. તેણીએ 15 રન બનાવ્યા હતા. જે બાદ શ્વેતા સેહરાવત 5 રન બનાવીને આઉટ થઈ ગઈ હતી. સૌમ્યા તિવારી અને ત્રિશાએ ફ્રન્ટ સંભાળતા ટીમને આગળ લઈ જવામાં આવી હતી. ત્રિશા 24 રન બનાવીને આઉટ થઈ ગઈ હતી, પરંતુ તિવારી 24 રન બનાવીને અણનમ રહી હતી. આ રીતે ભારતીય ટીમે 14 ઓવરમાં 3 વિકેટે 69 રન બનાવીને ઈતિહાસ રચ્યો અને પ્રથમ વખત આ T20 વર્લ્ડ કપનો ખિતાબ જીત્યો હતો.

English summary

India wins ICC U19 Women's T20 World Cup, creates history