IPL Final: જાડેજાનો વિનિંગ શોટ, પાંચમીવાર ચેમ્પિયન બન્યુ ચેન્નાઇ, રોમાંચક મેચમાં ડિફેન્ડિંગ ચેમ્પિયનની હાર

Updated: Tuesday, May 30, 2023, 1:49 [IST]

ઇન્ડિયન પ્રીમિયર લીગ (IPL 16) સીઝન 16ની ફાઇનલ મેચ વરસાદ બાદ ફરી શરૂ થઇ છે. 15 ઓવરમાં 171 રનના લક્ષ્‍યાંકનો પીછો કરતા સીએસકેએ 15 ઓવરમાં 171 રન બનાવી લીધા છે. આ સાથે ચેન્નાઇએ આ ટાઇટલ પોતાના નામે કરી લીધુ છે. આ જીત સાથે ચેન્નાઇએ 5 વાર આઇપીએલનુ ટાઇટલ જીતનાર બીજી ટીમ બની ગઇ છે. ઉલ્લેખનિય છેકે ચેન્નાઇએ આ મેચ 5 વિકેટથી જીતી લીધી હતી.

મોટો શોટ મારવાની ઇચ્છામાં નુર અહેમદની ઓવરમાં બન્ને ઓપનર ખેલાડીઓ કેચ આઉટ થયા હતા. નુર અહેમદ કી બોલર તરીકે આવ્યા હતા અને એક જ ઓવરમાં બન્ને વિકેટ ઝડપી હતી. ઋતુરાજ ગાયક વાડે 16 બોલમાં 26 રન બનાવ્યા હતા જ્યારે ડેવોન કોન્વેએ 25 બોલમાં 47 રન બનાવી આઉટ થઇ ગયો હતો.

આ બાદ અજિંક્યા રહાણે મોહિત શર્માના સ્લોઅર બોલ પર કેચ આઉટ થયો હતો. રહાણેએ 13 બોલમાં 27 રન બનાવ્યા હતા. અંબાતી રાયડુ 8 બોલમાં 19 રન બનાવી આઉટ થયો હતો. મહેન્દ્ર સિંહ ધોની પણ પ્રથમ બોલે જ મિલરના હાથમાં કેચ આપી આઉટ થઇ ગયા હતા.

શિવમ દુબેએ 21 બોલમાં 32 રન બનાવ્યા હતા. આ સાથે જાડેજાએ 6 બોલમાં 15 રન બનાવ્યા હતા.

ગુજરાતની બોલિંગની વાત કરીયે તો મોહિત શર્માએ 3 ઓવરમાં 36 રન આપી 3 વિકેટ ઝડપી હતી. આ ઉપરાંત નુર અહેમદે 2 વિકેટ પોતાના નામે કરી હતી. આજે કરામાતી ખાન રાશિદ કઇ કમાલ કરી શક્યો ન હતો. રાશિદ સૌથી મોંઘો સાબિત થયો હતો. રાશિદે 3 ઓવરમાં 44 રન આપ્યા હતા.

આ પહેલા પ્રથમ બેટિંગ કરતા ગુજરાત ટાઇટન્સે 20 ઓવરમાં 4 વિકેટ ગુમાવીને 214 રન બનાવ્યા હતા. સાઈ સુદર્શને 96 રન બનાવ્યા હતા. આ સાથે જ રિદ્ધિમાન સાહાએ અડધી સદી ફટકારી હતી. હાર્દિક પંડ્યાએ 12 બોલમાં 21 રનની ઈનિંગ રમી હતી.