IPL 2023 CSK vs SRH: જાડેજાએ લીધી 3 વિકેટ, હૈદરાબાદે બનાવ્યા 134 રન
આજે IPL 2023 સિઝનની 29મી મેચ છે, જેમાં ચેન્નાઈ સુપર કિંગ્સ અને સનરાઈઝર્સ હૈદરાબાદ આમને-સામને છે. ધોનીએ ટોસ જીતી બોલિંગનો નિર્ણય લીધો હતો. હૈદરાબાદે પ્રથમ બેટીંગ કરતા 20 ઓવરમાં 7 વિકેટ ગુમાવી 134 રન બનાવ્યા હતા.
હૈદરાબાદના સ્ટાર બેટ્સમેન હેરી બ્રુકનો બલ્લો ચાલ્યો ન હતો. બ્રુકે 13 બોલમાં 18 રન બનાવ્યા હતા. આ સાથે અભિષેક શર્માએ 26 બોલમાં 34 રન બનાવ્યા હતા. રાહુલ ત્રિપાઠીએ 21 બોલમાં 21 રન બનાવ્યા હતા.
ચેન્નાઇના બોલરોએ સારી બોલિંગ કરી હતી. ચેન્નાઇના બોલર રવિન્દ્ર જાડેજાએ 4 ઓવર નાખી 3 વિકેટ ઝડપી હતી. આ ઉપરાંત મથિશા પથિરાણાએ 1, મહિશ તિક્ષણાએ 1 તથા આકાશ સિંહે 1 વિકેટ લીધી હતી.
જોકે આ સિઝનમાં તેને રાજસ્થાન રોયલ્સ તરફથી હારનો સામનો કરવો પડ્યો છે. ચેન્નાઈએ તેની છેલ્લી મેચમાં રોયલ ચેલેન્જર્સ બેંગ્લોરને હરાવ્યું હતું. બીજી તરફ એઈડન માર્કરામની કેપ્ટન્સીવાળી હૈદરાબાદને છેલ્લી મેચમાં મુંબઈ ઈન્ડિયન્સે પરાજય આપ્યો હતો. આ ટીમ તેની ત્રીજી જીતની શોધમાં છે.
ચેન્નાઈ સુપર કિંગ્સ અને સનરાઈઝર્સ હૈદરાબાદ વચ્ચેની ટક્કરનો રેકોર્ડ માત્ર એક જ ટીમ - ચેન્નાઈની તરફેણમાં નમ્યો છે. બંને વચ્ચે અત્યાર સુધીમાં કુલ 18 મેચ રમાઈ છે અને સંપૂર્ણ રીતે એકતરફી રીતે, CSKએ 13 મેચ જીતી છે, જ્યારે SRHને માત્ર 5 સફળતા મળી છે.
Click it and Unblock the Notifications
Sign in with Google
