IPL 2023 KKR vs LSG: રિંકુ સિંહની ઇનિંગ ગઇ એળે, જીત સાથે લખનૌની પ્લેઓફમાં એન્ટ્રી
આજે IPLમાં બીજી મેચ કોલકાતા નાઈટ રાઈડર્સ અને લખનૌ સુપરજાયન્ટ્સ વચ્ચે રમાઇ હતી. લખનૌ પ્રથમ બેટિંગ કરતા 20 ઓવરમાં 8 વિકેટ ગુમાવી 176 રન બનાવ્યા હતા. કોલકાતાએ આ લક્ષ્યનો પીછો કરતા 20 ઓવરમાં 7 વિકેટ ગુમાવી 175 રન બનાવ્યા હતા. રોમાંચક મેચમાં જીત સાથે લખનૌની પ્લેઓફમાં એન્ટ્રી થઇ ગઇ છે.
જેસન રોયના 28 બોલમાં 45 રન તથા વેંકટેશ ઐયરના 24 રન સાથે કોલકાતાએ સારી શરૂઆત કરી હતી. જે બાદ કેપ્ટન નીતિશ રાણા અને રહેમતુલ્લા ગુરબાઝ અને રસેલ 10નો સ્કોર પાર કરી શક્યા ન હતા. આ બાદ રિંકુ સિંહે પોતાના બેટથી કોલકાતાને કમબેક કરાવ્યુ હતુ. રિંકુ સિંહે 33 બોલમાં 67 રન બનાવ્યા હતા.
રિંકુ સિંહની બેટિંગથી મેચમાં રોમાંચ આવી ગયો હતો. પરંતુ છેલ્લે કોલકાતાએ માત્ર 1રનથી હારનો સામનો કરવો પડ્યો હતો.
લખનૌની બોલિંગની વાત કરીયે તો યશ ઠાકુર અને રવિ બિશ્નોઇએ 2-2 વિકેટ ખેરવી હતી. આ ઉપરાંત કેપ્ટન કૃણાલ પંડ્યા-કૃષ્ણપ્પા ગૌથમને 1-1 વિકેટ મળી હતી. આ સાથે નવીન ઉલ હકે 4 ઓવરમાં સૌથી વધુ 46 રન આપ્યા હતા.
લખનૌના ઓપનર બેટ્સ ઓવરમાં શર્મા 3 રન બનાવીને જ આઉટ થઇ ગયા હતા. ક્વિંટન ડી કોકે 28 રન બનાવ્યા હતા. પ્રેરક માંકડ પણ 26 રન બનાવીને આઉટ થઇ ગયો હતો. સ્ટોઇનિસ અને કૃણાલ પંડ્યાના આઉટ થયા બાદ બદોની અને પુરને બાજી સંભાળી હતી.
આયુષ બદોણીએ 21 બોલમાં 25 રન તથા નિકોલસ પુરને 30 બોલમાં 58 રનની તોફાની ઇનિંગ રમી હતી. જે બાદ કે ગૌથમ 11 રન તથા રવિ બિશ્નોઇ અને નવીન ઉલ હકે 2-2 રન બનાવ્યા હતા.
બોલિંગની વાત કરીયે તો વૈભવ અરોરા-શાર્દુલ ઠાકુર અને સુનિલ નારાયણને 2-2 વિકેટ મળી હતી. આ ઉપરાંત હર્ષિત રાણા અને વરૂણ ચક્રવર્તીએ 1-1 વિકેટ ઝડપી હતી.
Click it and Unblock the Notifications
Sign in with Google
