IPL 2023 RR vs LSG: KL રાહુલને કરાયો લાખોનો દંડ, જાણો કારણ

જયપુરના સવાઈ માનસિંહ સ્ટેડિયમમાં રમાયેલી મેચ દરમિયાન લખનૌ સુપર જાયન્ટ્સ (એલએસજી) એ રાજસ્થાન રોયલ્સને હરાવીને બે મહત્વપૂર્ણ પોઈન્ટ મેળવ્યા હતા. રાજસ્થાન રોયલ્સ નાના લક્ષ્યનો પીછો કરવામાં નિષ્ફળ ગયુ અને લખનૌ નજીકના અંતરથી મેચ જીતી ગયુ હતુ.

લખનઉના કેપ્ટન કેએલ રાહુલને આચાર સંહિતાનું ઉલ્લંઘન કરવા બદલ દંડ ફટકારવામાં આવ્યો છે. IPL દ્વારા KL રાહુલ પર 12 લાખ રૂપિયાનો દંડ ફટકારવામાં આવ્યો છે. સ્લો ઓવર રેટ માટે કેએલ રાહુલને દંડ ફટકારવામાં આવ્યો છે. મેચ દરમિયાન લખનૌના બોલરો ધીમા હતા.

આઈપીએલની સ્લો ઓવરો અંગે નિર્ધારિત આચાર સંહિતાનું ઉલ્લંઘન કરવા બદલ કેએલ રાહુલ પર દંડ લાદવાનો નિર્ણય લેવામાં આવ્યો હતો. મેચમાં વિલંબ થયો ત્યારે પણ લખનૌના કેપ્ટનને દંડ ફટકારવામાં આવી શકે છે તેવી અટકળો ચાલી રહી હતી.

આ મેચમાં રોયલ્સે ટોસ જીતીને પ્રથમ બોલિંગ કરવાનો નિર્ણય કર્યો હતો. આ પછી લખનૌના ઓપનર કેએલ રાહુલ અને કાયલ મેયર્સે જોરદાર બેટિંગ કરી અને પ્રથમ વિકેટ માટે 82 રનની ભાગીદારી કરી. મેયર્સે ફિફ્ટી ફટકારી હતી. રાહુલ 39 રન બનાવીને આઉટ થયો હતો.

For his final over heroics and bowling figures of 3/25, @Avesh_6 is our Top Performer from the second innings.

A look at his bowling summary here 👇👇#TATAIPL #RRvLSG pic.twitter.com/Ig3ZqufJMZ

— IndianPremierLeague (@IPL) April 19, 2023

લખનૌ સુપર જાયન્ટ્સે 7 વિકેટે 154 રન બનાવ્યા હતા. જવાબી ઇનિંગ્સ રમતા રાજસ્થાન રોયલ્સે 6 વિકેટે 144 રન બનાવ્યા હતા. આ લો સ્કોરિંગ મેચમાં લખનૌએ રાજસ્થાન રોયલ્સને દસ રનથી હરાવ્યું અને બે મહત્વપૂર્ણ પોઈન્ટ મેળવ્યા હતા.

રાજસ્થાન રોયલ્સ અને લખનૌ સુપર જાયન્ટ્સ વચ્ચે આ સિઝનમાં અત્યાર સુધીમાં 6-6 મેચ રમાઈ છે. બંને ટીમોને 4-4 મેચ જીતવાની તક મળી છે. રોયલ્સને હરાવ્યા બાદ પણ લખનૌની ટીમ ટેબલમાં બીજા સ્થાને છે. રાજસ્થાન રોયલ્સનો નેટ રન રેટ સારો છે.

English summary

IPL 2023 RR vs LSG: KL Rahul fined 12 lakhs, know the reason