GT vs MI: LIVE મેચ દરમિયાન આશીષ નહેરાનો કેમ ચઢ્યો પારો? ગુસ્સામાં લાલઘૂમ થયા કોચ સાહેબ, વીડિયો વાયરલ

29 માર્ચે અમદાવાદના નરેન્દ્ર સ્ટેડિયમ ખાતે IPL 2025 ની એક રોમાંચક મેચ રમાઈ હતી, જ્યાં ગુજરાત ટાઇટન્સ અને મુંબઈ ઇન્ડિયન્સ એકબીજા સામે ટકરાયા હતા. આ મેચમાં એક અણધારી ક્ષણ જોવા મળી જ્યારે જીટી કોચ આશિષ નેહરા પોતાના ખેલાડીઓ પર ગુસ્સે થયા. તેમનું ગુસ્સે ભરેલું વલણ કેમેરામાં કેદ થયું અને સોશિયલ મીડિયા પર વાયરલ થયું.

આ IPL 2025 ની નવમી મેચ હતી, જેમાં મુંબઈ ઈન્ડિયન્સે ટોસ જીતીને પહેલા બોલિંગ કરવાનો નિર્ણય લીધો હતો. ગુજરાત ટાઇટન્સ તરફથી શુભમન ગિલ અને સાઈ સુદર્શને ઇનિંગ્સની શરૂઆત કરી અને 76 રનની શાનદાર ભાગીદારી નોંધાવી. આ પછી, જોસ બટલરે 24 બોલમાં ઝડપી 39 રન બનાવ્યા.

મેચ રોમાંચક તબક્કામાં હતી, પરંતુ ગુજરાતે 19મી ઓવરમાં સતત બે વિકેટ ગુમાવી દીધી. આ ગંભીર પરિસ્થિતિમાં, ટીમના કોચ આશિષ નેહરા ખૂબ ગુસ્સે થયા અને ડગઆઉટમાં ગુસ્સાથી ચીસો પાડતા જોવા મળ્યા. તેમનો આક્રમક અંદાજ કેમેરામાં કેદ થઈ ગયો અને થોડી જ વારમાં આ વીડિયો સોશિયલ મીડિયા પર આગની જેમ ફેલાઈ ગયો.

પ્રથમ બેટિંગ કરતા ગુજરાત ટાઇટન્સે 196 રનનો મોટો સ્કોર બનાવ્યો. ટીમ તરફથી સાઈ સુદર્શને સૌથી વધુ 68 રન (41 બોલમાં) બનાવ્યા જ્યારે કેપ્ટન શુભમન ગિલે 27 બોલમાં 38 રન બનાવ્યા. મુંબઈ ઈન્ડિયન્સે લક્ષ્યનો પીછો કરવામાં સંઘર્ષ કર્યો અને સમગ્ર 20 ઓવરમાં 6 વિકેટ ગુમાવીને માત્ર 160 રન જ બનાવી શક્યું.

How I cry when things don't go according to me in my life:
😭Unreal reaction Ashish Nehra ji!#GTvsMI #GTvMI #MIvsGT #IPL2025 #AshishNehra pic.twitter.com/Bxig8utYut

— Prachi Khandelwal (@PrachiK2107) March 29, 2025

મુંબઈ તરફથી સૂર્યકુમાર યાદવે સૌથી વધુ 48 રન (28 બોલમાં) બનાવ્યા, જ્યારે તિલક વર્માએ 36 બોલમાં 39 રન બનાવ્યા. પરંતુ તેની ઇનિંગ તેની ટીમને જીત અપાવી શકી નહીં અને ગુજરાત ટાઇટન્સ મેચ જીતી ગયું.