IPL 2025 : ઇશાન કિશનને વિવાદીત આઉટ અપાતા વિવાદ, જાણો શું છે પુરો હંગામો?

IPL 2025 : આઈપીએલ 20 માં એક પછી એક વિવાદ સામે આવી રહ્યા છે. હવે સનરાઈઝર્સ હૈદરાબાદ (SRH) અને મુંબઈ ઈન્ડિયન્સ (MI) વચ્ચેના મુકાબલામાં નવો વિવાદ સર્જાયો છે.

આ મેચમાં SRHના બેટ્સમેન ઈશાન કિશનનું વિવાદીત રીતે આઉટ થવુ ફેન્સ અને નિષ્ણાતો માટે ચર્ચાનો વિષય બન્યું છે. આ ઘટનાએ ક્રિકેટના નિયમો અને ખેલદિલીની ભાવના પર સવાલ ઉભા કર્યા છે.

હૈદરાબાદના રાજીવ ગાંધી આંતરરાષ્ટ્રીય સ્ટેડિયમમાં રમાયેલી આ મેચની ત્રીજી ઓવરમાં ઈશાન કિશન માત્ર 1 રન બનાવીને રમી રહ્યો હતો. મુંબઈ ઈન્ડિયન્સના ફાસ્ટ બોલર દીપક ચહરની બોલિંગ પર ઈશાને બોલને રમવાનો પ્રયાસ કર્યો.

બોલ લેગ સાઈડ તરફ ગયો અને એવું લાગ્યું કે બેટ સાથે બોલનો સંપર્ક થયો હોય. પરંતુ આશ્ચર્યની વાત એ હતી કે મુંબઈના કોઈ ખેલાડીએ આઉટ માટે અપીલ કરી નહોતી.
અમ્પાયરે પ્રથમ બોલને વાઈડ જાહેર કર્યો પરંતુ ઈશાને પોતે જ ખેલદિલી બતાવતા પેવેલિયન તરફ આગળ વધવાનું શરૂ કર્યું. આ દરમિયાન મુંબઈના ખેલાડીઓએ હળવી ચર્ચા કરી અને અમ્પાયરે અચાનક જ ઈશાનને આઉટ જાહેર કરી દીધો.

આ નિર્ણયથી દરેક ચોંકી ગયા કારણ કે રિપ્લેમાં અલ્ટ્રા-એજ ટેક્નોલોજીએ બતાવ્યું કે બેટ અને બોલ વચ્ચે કોઈ સંપર્ક થયો જ નથી.

વિવાદના કારણો

• અપીલ વિના આઉટ: ક્રિકેટના નિયમો અનુસાર અમ્પાયર સામાન્ય રીતે ખેલાડીઓની અપીલ બાદ જ આઉટનો નિર્ણય આપે છે. આ કેસમાં અપીલનો અભાવ હોવા છતાં નિર્ણય લેવાયો.
• ઈશાનની ખેલદિલી: ઈશાને પોતે જ ધારી લીધું કે તે આઉટ છે અને તેણે ડીઆરએસ (ડિસિઝન રિવ્યૂ સિસ્ટમ) લેવાની જરૂર ન સમજી.
• અલ્ટ્રા-એજ રિપ્લે: ટેક્નોલોજીએ સ્પષ્ટ કર્યું કે ઈશાન નોટઆઉટ હતો, જેનાથી અમ્પાયરના નિર્ણય પર સવાલ ઉભા થયા.

ઈશાનના આઉટ બાદ SRHની ટીમ દબાણમાં આવી ગઈ. ટ્રેવિસ હેડ (0), અભિષેક શર્મા (8) અને નીતિશ કુમાર રેડ્ડી (2) પણ ઝડપથી આઉટ થયા, જેનાથી ટીમ 14/4ના સ્કોર પર પહોંચી ગઈ.

ટ્રેન્ટ બોલ્ટ અને દીપક ચહરે બે-બે વિકેટ લઈને SRHની બેટિંગ લાઈનઅપને તોડી નાખી. મેચના મધ્ય ભાગમાં SRH 52/5ના સ્કોર પર સંઘર્ષ કરી રહી હતી જ્યારે હેનરિક ક્લાસેન ટીમની આશા બની રહ્યો અને શાનદાર બેટિંગ કરી.

સોશિયલ મીડિયા પર ચાહકોએ આ ઘટનાને લઈને મિશ્ર પ્રતિક્રિયાઓ જોવા મળી રહી છે. કેટલાકે ઈશાનની ખેલદિલીની પ્રશંસા કરી, જ્યારે અન્યોએ અમ્પાયરના નિર્ણયને ખોટો ગણાવ્યો. ઘણા ચાહકોએ એવો પણ સવાલ ઉઠાવ્યો કે ઈશાને DRS શા માટે ન લીધો, જે તેને બચાવી શકત.

ઈશાન કિશન આ સિઝનમાં સતત સંઘર્ષ કરી રહ્યો છે. તેણે રાજસ્થાન રોયલ્સ સામે શાનદાર સદી ફટકારી હતી, પરંતુ ત્યારબાદ તેનું બેટ શાંત રહ્યું છે. છેલ્લી સાત ઈનિંગ્સમાં તેણે માત્ર એક વખત ડબલ ફિગરમાં સ્કોર કર્યો છે, જે SRH માટે ચિંતાનો વિષય છે.

English summary

IPL 2025: Ishan Kishan’s Controversial Dismissal Sparks Debate in SRH vs MI Match