IPL 2025 : રાહુલ ગાંધીએ સમય પુરો થયા બાદ DRS લીધુ? જાણો કેમ થઈ રહ્યો છે વિવાદ?

IPL 2025 : મુંબઈ ઈન્ડિયન્સ અને રાજસ્થાન રોયલ્સ વચ્ચેના રોમાંચક મુકાબલામાં મુંબઈએ 100 રનની શાનદાર જીત હાંસલ કરી છે.

જો કે આ મેચમાં એક DRS નિર્ણયે સોશિયલ મીડિયા પર ચર્ચા શરૂ થઈ છે. મુંબઈના કેપ્ટન રોહિત શર્માએ આઉટ આપવામાં આવ્યા બાદ છેલ્લી ક્ષણે DRS લઈને નિર્ણય પલટાવ્યો, જે વિવાદનું કારણ બન્યો છે.

રાજસ્થાનના ઝડપી બોલર ફઝલહક ફારૂકીની બોલ બીજા ઓવરમાં રોહિત શર્માના પેડ પર લાગી. અમ્પાયરે તરત જ રોહિતને આઉટ જાહેર કર્યા, જ્યારે તેઓ માત્ર 7 રન પર રમી રહ્યો હતો.

અમ્પાયરનો નિર્ણય આવ્યા બાદ રોહિતે લગભગ 15 સેકન્ડની સમયમર્યાદા સમાપ્ત થતાં પહેલાં DRS માટે ઈશારો કર્યો. રિપ્લેમાં જણાયું કે તેણે રિવ્યૂનો ઈશારો બરાબર સમયસર કર્યો હતો, જેના કારણે અમ્પાયરે DRSને માન્ય ગણ્યો.

બોલ ટ્રેકિંગમાં દેખાયું કે બોલ લેગ સ્ટમ્પની બહાર પિચ થયો હતો. આના આધારે અમ્પાયરે પોતાનો નિર્ણય બદલવો પડ્યો અને રોહિત નોટ આઉટ જાહેર થયા. આ ઘટનાએ ચાહકોમાં અસંતોષ ફેલાયો અને સોશિયલ મીડિયા પ્લેટફોર્મ્સ જેવા કે ટ્વિટર અને ઈન્સ્ટાગ્રામ પર અમ્પાયરિંગની ટીકા થવા લાગી છે.

કેટલાક ચાહકોએ આને મુંબઈ ઈન્ડિયન્સને તરફદારી ગણાવી, જ્યારે ઘણા લોકોએ DRS સિસ્ટમના દુરુપયોગનો આરોપ લગાવ્યો છે.

ક્રિકેટના નિયમો અનુસાર, ખેલાડીએ DRS માટે 15 સેકન્ડની અંદર ઈશારો શરૂ કરવો જરૂરી છે. જો આ સમયમર્યાદામાં ઈશારો શરૂ થઈ જાય તો રિવ્યૂ માન્ય ગણાય છે, ભલે હાથ પછીથી સંપૂર્ણ રીતે ઉપર જાય. રોહિતે ટેકનિકલી નિયમોનું પાલન કર્યું, પરંતુ છેલ્લી સેકન્ડનો આ નિર્ણય ચાહકોને ખટક્યો છે.

DRS વિવાદ બાદ રોહિતે શાનદાર બેટિંગ કરી અને 36 બોલમાં 53 રન ફટકાર્યા, જેમાં 9 ચોગ્ગાનો સમાવેશ થાય છે. તેમણે રાયન રિકેલ્ટન (61 રન) સાથે 116 રનની ભાગીદારી કરી, જેના આધારે મુંબઈએ 217/2નો મજબૂત સ્કોર નોંધાવ્યો. રાજસ્થાનની ટીમ આ મેચમાં 100 રનથી હારી ગઈ અને ટૂર્નામેન્ટમાંથી બહાર થઈ.

DRS સિસ્ટમમાં જો બોલ ટ્રેકિંગમાં બોલ 50%થી વધુ લેગ સ્ટમ્પની બહાર પિચ થયો હોય તો નિર્ણય બદલાઈ શકે છે. આ કેસમાં રોહિતનો નિર્ણય નિયમોની દૃષ્ટિએ સાચો હતો, પરંતુ આ ઘટનાએ ફરી એકવાર સાબિત કર્યું કે ક્રિકેટમાં ટેકનોલોજી હોવા છતાં માનવીય નિર્ણયો પર ચર્ચા અટકતી નથી.

ચાહકોએ આ નિર્ણયને અન્યાય ગણાવ્યો અને અમ્પાયરિંગની નિષ્પક્ષતા પર સવાલ ઉઠાવ્યા. આ ઘટનાએ ક્રિકેટની દુનિયામાં DRSના ઉપયોગ અને તેની સમયમર્યાદા વિશે નવી ચર્ચા જન્માવી છે.

English summary

IPL 2025: Rohit Sharma’s Last-Second DRS Sparks Controversy in Mumbai Indians’ Victory