T20 World Cup : વર્લ્ડ કપ જીત્યા બાદ ઈશાન કિશને ગર્લફ્રેન્ડ સાથે ઉજવણી કરી, જુઓ ફોટો
અમદાવાદના નરેન્દ્ર મોદી સ્ટેડિયમમાં રવિવારે ભારતીય ટીમે ન્યુઝીલેન્ડને હરાવી ત્રીજી વખત ટી20 વિશ્વકપ જીતી લીધો હતો. આ ઐતિહાસિક જીતના હીરો ઈશાન કિશન અને તેમની ગર્લફ્રેન્ડ અદિતિ હુંડિયાની તસવીરો સોશિયલ મીડિયા પર વાયરલ થઈ રહી છે.
મેચ બાદ મેદાન પર ઈશાન કિશન તિરંગામાં જોવા મળ્યા હતા, જ્યારે અદિતિ પણ મેદાન પર પહોંચીને જીતની ઉજવણીમાં જોડાઈ હતી. ઈશાને ફાઈનલ મેચમાં માત્ર 25 બોલમાં 54 રન ફટકારી ભારતને 255 રનના વિશાળ સ્કોર સુધી પહોંચાડવામાં મદદ કરી હતી.
મેચ દરમિયાન લાલ ડ્રેસમાં સજ્જ અદિતિ હુંડિયા સ્ટેન્ડ્સમાંથી ઈશાનને પ્રોત્સાહન પૂરું પાડતી નજરે પડી હતી. ઈશાનની શાનદાર ઈનિંગ બાદ ફેન્સ હવે સોશિયલ મીડિયા પર અદિતિને ટીમ ઈન્ડિયા માટે 'લકી ચાર્મ' ગણાવી રહ્યા છે.
અદિતિ હુંડિયા વ્યવસાયે મોડેલ છે અને તે મિસ દીવા 2018નો ખિતાબ પણ જીતી ચૂકી છે. સોશિયલ મીડિયા પર અદિતિના લાખો ફોલોઅર્સ છે અને તે પોતાની ફેશન સ્ટાઈલ માટે પણ યુવાનોમાં ઘણી લોકપ્રિય છે.
ઈશાન અને અદિતિ લાંબા સમયથી એકબીજાને ડેટ કરી રહ્યા છે અને વર્ષ 2019માં પહેલીવાર બંનેના રિલેશનશિપના સમાચાર સામે આવ્યા હતા. ઈશાનના દાદાએ પણ તાજેતરમાં એક ઈન્ટરવ્યુમાં જણાવ્યું હતું કે તેમનો પરિવાર હવે ઈશાનના લગ્ન માટે તૈયાર છે.
ક્રિકેટર પૃથ્વી શોની સગાઈ બાદ હવે ઈશાન કિશન અને અદિતિ પણ ટૂંક સમયમાં લગ્ન કરશે તેવી ચર્ચાઓ શરૂ થઈ છે. પટનાના ચાહકો હવે આતુરતાથી અદિતિના સત્તાવાર રીતે 'પટનાની વહુ' બનવાની રાહ જોઈ રહ્યા છે.
Click it and Unblock the Notifications
Sign in with Google
