KL Rahul: આજે કેએલ રાહુલ નહીં રમે આજની મેચ? જાણો કારણ
KL Rahul: આજે IPL 2025 માં દિલ્હી કેપિટલ્સ લખનઉ સુપર જાયન્ટ્સ સામે રમશે. આ વખતે ટીમમાં કેએલ રાહુલનો સમાવેશ થાય છે, જે ગત સિઝનમાં લખનઉની ટીમનો કેપ્ટન હતો. રાહુલ દિલ્હી માટે પહેલી મેચ રમશે કે નહીં તે અંગે શંકા છે.
કેપ્ટન અક્ષર પટેલે પણ આ તરફ ઈશારો કર્યો છે. કદાચ રાહુલ આજે વિશાખાપટ્ટનમમાં લખનઉ સામેની મેચમાંથી બહાર રહેશે. મેચની પૂર્વસંધ્યાએ અક્ષર પટેલે કહ્યું હતું કે, તે ટીમ સાથે સંકળાયેલો છે, પરંતુ રમવા વિશે હજુ સુધી ખબર નથી.
કેપ્ટન અક્ષર પટેલે જણાવ્યું હતું કે, કેએલ રાહુલ ટીમમાં જોડાયો છે અને આપણે બધા જાણીએ છીએ કે તેને વ્યક્તિગત સમસ્યા છે. તેથી અમને હજુ સુધી ખબર નથી. અમે તેમને પૂછીશું કે શું બધું બરાબર છે, પછી તેઓ કાલે રમવા વિશે કહી શકશે. હાલમાં અમને ખબર નથી કે તે રમવા માટે ઉપલબ્ધ રહેશે કે નહીં.
કેએલ રાહુલની સમસ્યા શું છે? - જ્યાં સુધી વ્યક્તિગત બાબતોનો સવાલ છે, કેએલ રાહુલની પત્ની અને બોલીવુડ અભિનેત્રી આથિયા શેટ્ટી ગર્ભવતી છે. કેએલ રાહુલ પિતા બનવા જઈ રહ્યો છે.
કદાચ આ જ કારણ છે કે તે દિલ્હી કેપિટલ્સ સામેની મેચમાંથી બહાર થઈ શકે છે. ગયા વર્ષે નવેમ્બરમાં સમાચાર આવ્યા હતા કે, કેએલ રાહુલની પત્ની ગર્ભવતી છે.
તે કદાચ બાળકના જન્મ સમયે તેની પત્ની સાથે રહેવા માંગે છે. આ કારણે, તે આઈપીએલની પહેલી મેચ માટે ઉપલબ્ધ ન હોઈ શકે.
Click it and Unblock the Notifications
Sign in with Google
