MI vs DC : મુંબઈની વધુ એક હાર, દિલ્હી 10 પોઈન્ટ સાથે પ્લેઓફની રેસમાં બરકરાર

દિલ્હી કેપિટલ્સ અને મુંબઈ ઈન્ડિયન્સ વચ્ચે રમાયેલા હાઈ સ્કોરર મુકાબલામાં દિલ્હીએ 10 રને જીત મેળવી લીધી છે.

મુંબઈ ઈન્ડિયન્સ સામે પ્રથમ બેટિંગ કરતા દિલ્હી કેપિટલ્સે 20 ઓવરમાં 4 વિકેટ ગુમાવીને 257 રન બનાવ્યા હતા.

ટાર્ગેટનો પીછો કરવા ઉતરેલી હાર્દિક પંડ્યાની ટીમ 20 ઓવરમાં 9 વિકેટ ગુમાવીને 247 રન બનાવી શકી.

દિલ્હી કેપિટલ્સ માટે ફ્રેઝર મેકગર્કે 27 ઓવરમાં 6 સિક્સ અને 11 ફોરની મદદથી સૌથી વધુ 84 રન બનાવ્યા. ઓપનર અભિષેક પોરેલ 27 બોલમાં 36 રન બનાવીને આઉટ થયો તો શાઈ હોપે 17 બોલમાં 41 રનની જોરદાર ઈનિંગ રમી.

કેપ્ટન રિષભ પંત 19 બોલમાં 29 રન બનાવીને પેવેલિયન પરત ફર્યો. મેકગર્ક પછી ટ્રિસ્ટન સ્ટબ્સ સૌથી વધુ રન બનાવનાર બીજા નંબરનો ખેલાડી સાબિત થયો.

કેપ્ટન રોહિત શર્મા મુંબઈ ઈન્ડિયન્સ માટે કંઈ ખાસ કરી શક્યો નહીં. પાવર પ્લેમાં જ ટીમના બંને ઓપનિંગ બેટ્સમેન આઉટ થઈને પેવેલિયન પરત ફર્યા. રોહિત શર્મા 8 બોલમાં 8 રન બનાવીને આઉટ થયો હતો તો ઈશાને 14 બોલમાં 20 રન બનાવ્યા વિકેટ ગુમાવી.

4 આ સિવાય સૂર્યકુમાર યાદવ પણ અપેક્ષાઓ પર ખરો ન ઉતરી શક્યો. જો કે, કેપ્ટન હાર્દિક પંડ્યાએ 24 બોલમાં 46 રનની મોટી ઇનિંગ રમી. નેહલ 2 બોલમાં 4 રન બનાવીને આઉટ થયો હતો અને મોહમ્મદ નબી 4 બોલમાં 7 રન બનાવીને આઉટ થયો હતો. ટીમ માટે તિલક વર્માએ મોટી ઇનિંગ રમી હતી. તિલક વર્મા 32 બોલમાં 63 રન બનાવીને અણનમ રહ્યો.

English summary

MI vs DC: Another loss for Mumbai, Delhi stay in playoff race with 10 points