IPL 2023: ચેન્નાઇ સામેની મેચમાં મોહમ્મદ શમીએ 1 વિકેટ લઇને બનાવ્યો રેકોર્ડ

Published: Friday, March 31, 2023, 20:54 [IST]

IPLનો રંગારંગ પ્રારંભ થયા બાદ ગુજરાત ટાઇટન્સ અને ચેન્નાઇ સુપર કિંગ્સ વચ્ચેની મેચ શરૂ થઇ હતી. ગુજરાતે ટોસ જીતીને પ્રથમ બોલિંગ કરવાનો નિર્ણય લીધો હતો. આ પછી મોહમ્મદ શમીએ નવા બોલ સાથે પોતાનું કૌશલ્ય બતાવ્યું. શમીએ ચેન્નાઈના ઓપનર બેટ્સમેન ડેવોન કોનવેને આઉટ કર્યો હતો. આ વિકેટ સાથે શમીએ IPLમાં એક રેકોર્ડ પોતાના નામે કરી લીધો છે.

શમીએ IPLમાં પોતાની 100 વિકેટ પૂરી કરી. ડેવોન કોનવે તેનો સોમો શિકાર બન્યો હતો. તે માત્ર એક રનના વ્યક્તિગત સ્કોર પર ક્લીન બોલ્ડ થઈને પેવેલિયન પરત ફર્યો હતો. આ રીતે શમીએ તેને જલ્દી પરત મોકલીને ચેન્નાઈ સુપર કિંગ્સને મોટો ઝટકો આપ્યો છે. શમીએ તેનો પહેલો શિકાર બોલ્ડ કર્યો હતો. આ પછી પચાસમી વિકેટ પણ બોલ્ડ સ્વરૂપમાં અને 100મી વિકેટ પણ ક્લીન બોલ્ડના રૂપમાં આવી હતી.

First wicket of #TATAIPL2022 ➡️ Last wicket of #TATAIPL2022 ➡️ First wicket of #TATAIPL2023

Special occasions 🤝 @MdShami11 🔥#AavaDe | #GTvCSK | #TATAIPL pic.twitter.com/InjwehLWgF
— Gujarat Titans (@gujarat_titans) March 31, 2023

આ પહેલા IPLની ઓપનિંગ સેરેમનીમાં રંગારંગ કાર્યક્રમ યોજાયો હતો. બોલિવૂડ સિંગર અરિજીત સિંહે પોતાના ગીતોથી ચાહકોનું દિલ જીતી લીધું છે. આ પછી અભિનેત્રીઓ તમન્ના ભાટિયા અને રશ્મિકા મંધાનાએ તેમના દાસ પરફોર્મન્સથી દર્શકોને મંત્રમુગ્ધ કર્યા. આ ઈવેન્ટ દરમિયાન દર્શકોએ ખૂબ બૂમાબૂમ કરી હતી. અંતમાં ધોની અને પંડ્યા સાથે ટ્રોફીની ઝલક પણ જોવા મળી હતી.

Published On March 31, 2023