રોહિત શર્માની સામે ધોનીની ટીમ પરાસ્ત, મુંબઇ પહોંચ્યું ફાઇનલમાં

Updated: Wednesday, May 20, 2015, 13:41 [IST]

મુંબઇ, 20 મે: આઇપીએલ 8ની શરૂઆતમાં જે પ્રકારે મુંબઇની ટીમ રમી રહી હતી જેને જોઇને કોઇને પણ અંદાજો સુધ્ધા ન્હોતો કે રોહિત શર્માની આ ટીમ આ સિરીઝની ફાઇનલમાં પહોંચી જશે. મંગળવારે રમાયેલ મહત્વની પ્લેઓફમાં રોહિતની ટીમ સંપૂર્ણપણે ધોનીની ટીમ પર ભારે રહી અને 25 રનોથી તેને માત આપીને ફાઇનલમાં પોતાની જગ્યા બનાવી લીધી.

પરંતુ હજી પણ ધોનીની ટીમ એટલે કે સુપર કિંગ્સની આશાઓ સંપૂર્ણ રીતે ખતમ નથી થઇ તથા તેમને હવે 22 મેના રોજ રાંચીમાં રાજસ્થાન રોયલ્સ અને રોયલ ચેલેંજર્સ બેંગલોરની વચ્ચે થનારી એલિમિનેટર મેચના વિજેતા સાથે ટકરાવવું પડશે. ત્યાં જીત મેળવીને ફાઇનલમાં પ્રવેશ કરી શકે છે.

અત્રે નોંધનીય છે કે ચેન્નઇને હરાવ્યા બાદ મુંબઇની ટીમ આઇપીએલ ઇતિહાસમાં ત્રીજીવાર ફાઇનલમાં પહોંચી છે. તથા સુપર કિંગ્સ બાદ સૌથી વધારે ફાઇનલમાં પહોંચનાર બીજી ટીમ બની ગઇ છે.

અત્રે ઉલ્લેખની છે કે મુંબઇ ઇન્ડિયન્સે મંગળવારે ટોસ જીતીને પહેલા બોલિંગ કરવાનો નિર્ણય કરી લેંડલ સિમંસ (65) અને કિરોન પોલાર્ડ (41)ની શાનદાર પારીના કારણે 187 રનોનું પડકારપૂર્ણ સ્કોર ઊભુ કર્યું અને ત્યારબાદ સુપર કિંગ્સની આખી ટીમને 19 ઓવરમાં 162 રનો પર ઢેર કરી દીધી.