Pok નહી જાય ચૈમ્પિયંસ ટ્રોફી, ટૂર્નામેન્ટ પહેલા પાકિસ્તાનને લાગ્યો મોટો ઝટકો, ICCએ માની ભારતની વાત

Champion Trophy: ચેમ્પિયન્સ ટ્રોફી 2025 ફરી એક વખત વિવાદમાં ફસાયેલી છે. ઇન્ટરનેશનલ ક્રિકેટ કાઉન્સિલ (ICC) એ પાકિસ્તાનના કબજા હેઠળના કાશ્મીર (PoK)માં આવતા વિસ્તારો સ્કર્દુ, મુરી અને મુઝફ્ફરાબાદમાં આયોજિત ચેમ્પિયન્સ ટ્રોફી પ્રવાસ રદ કર્યો છે.

પાકિસ્તાન ક્રિકેટ બોર્ડ (PCB) દ્વારા પ્રવાસ કાર્યક્રમમાં આ શહેરોનો સમાવેશ કરવાની જાહેરાત કર્યા પછી તરત જ આ નિર્ણય લેવામાં આવ્યો હતો, જેનો ભારતીય ક્રિકેટ કંટ્રોલ બોર્ડ (BCCI) દ્વારા તરત જ વાંધો ઉઠાવવામાં આવ્યો હતો.

નોંધનીય છે કે પીસીબીએ 16 થી 24 નવેમ્બર દરમિયાન ચેમ્પિયન્સ ટ્રોફીના દેશવ્યાપી ટ્રોફી પ્રવાસની જાહેરાત કરી હતી. આઠ ટીમોની આ ટુર્નામેન્ટ ફેબ્રુઆરી-માર્ચ 2025માં પાકિસ્તાનમાં યોજાવાની છે અને ક્રિકેટના આ મહાકુંભની તૈયારી માટે PCBએ ટ્રોફી ટૂરનું આયોજન કર્યું હતું.

જો કે, ઈન્ડિયા ટુડેના અહેવાલ મુજબ, એવું જાણવા મળ્યું છે કે પાકિસ્તાન અધિકૃત કાશ્મીર (POK) ની વિવાદિત જમીન હેઠળ આવતા શહેરોમાં ટ્રોફીનો પ્રવાસ રદ કરવામાં આવ્યો છે. બીજી તરફ ભારતે આ ક્રિકેટ ઈવેન્ટ માટે પાકિસ્તાન જવાનો ઈન્કાર કરી દીધો છે.

ભારતે પાકિસ્તાન જવાની ના પાડી
પાકિસ્તાન ક્રિકેટ બોર્ડે ICCને પત્ર લખીને ભારતે ટૂર્નામેન્ટ માટે પાકિસ્તાન જવાની ના પાડી હોવા અંગે સ્પષ્ટતા માંગી છે. ICCને લખેલા તેના પત્રમાં PCBએ ભારતના સ્ટેન્ડ અંગે સત્તાવાર સ્પષ્ટતા માંગી છે. પાકિસ્તાન દ્વારા મોકલવામાં આવેલા પત્રમાં ઇવેન્ટના ફોર્મેટ અથવા સંભવિત હાઇબ્રિડ મોડલની ચર્ચા કરવામાં આવી નથી. પીસીબીએ એક નિવેદનમાં પુષ્ટિ કરી કે તેને બીસીસીઆઈના નિર્ણય વિશે આઈસીસી દ્વારા જાણ કરવામાં આવી છે.

17 અબજ રૂપિયાની ફાળવણી
અહેવાલ મુજબ, પીસીબીએ આગામી પગલાં નક્કી કરવા માટે ICCનો સંદેશ પાકિસ્તાન સરકારને ફોરવર્ડ કર્યો છે. પીસીબી અને બીસીસીઆઈ વચ્ચેના આ મડાગાંઠે ચેમ્પિયન્સ ટ્રોફીનું ભવિષ્ય શંકામાં મૂક્યું છે. પાકિસ્તાને આગામી વર્ષની ટુર્નામેન્ટની તૈયારીમાં કરાચી, લાહોર અને રાવલપિંડીમાં સ્ટેડિયમને અપગ્રેડ કરવા માટે લગભગ 17 અબજ રૂપિયાની ફાળવણી કરી દીધી છે.

19 ફેબ્રૂઆરીથી યોજાશે મેચ
ICC કથિત રીતે સ્થળની પુષ્ટિ કર્યા વિના નવેમ્બરના બીજા સપ્તાહમાં શેડ્યૂલ જાહેર કરવા જઈ રહ્યું હતું. કામચલાઉ સમયપત્રક મુજબ, ચેમ્પિયન્સ ટ્રોફી 19 ફેબ્રુઆરીથી 9 માર્ચ સુધી યોજાશે, જેમાં લાહોર, રાવલપિંડી અને કરાચીમાં મેચો રમાશે.