T20 World Cup 2026 Live Streaming: વર્લ્ડ કપમાં પહલી ટક્કર પાકિસ્તાન અને નેધરલેન્ડ વચ્ચે, ક્યાં જોશો લાઈવ મેચ?

By Desk

Published: Saturday, February 7, 2026, 10:23 [IST]

PAK vs NED Live Streaming: ક્રિકેટના સૌથી ટૂંકા અને રોમાંચક ફોર્મેટનો મહાકુંભ એટલે કે ICC T20 વર્લ્ડ કપ 2026 આજથી શરૂ થઈ રહ્યો છે. ટૂર્નામેન્ટની ઓપનિંગ મેચ પાકિસ્તાન અને નેધરલેન્ડ વચ્ચે રમાશે. ભારત અને શ્રીલંકાની સંયુક્ત યજમાનીમાં યોજાઈ રહેલા આ વર્લ્ડ કપમાં આજે કુલ ત્રણ મેચો રમાવાની છે, પરંતુ શરૂઆત પાકિસ્તાનના મુકાબલાથી થશે.

પાકિસ્તાની ટીમને પ્રેક્ટિસ મેચ રમવાની તક મળી ન હતી, કારણ કે તે મેચ વરસાદને કારણે રદ થઈ હતી. આજે પાકિસ્તાની ટીમ જીત સાથે ટૂર્નામેન્ટની ધમાકેદાર શરૂઆત કરવાનો પ્રયાસ કરશે.

પાકિસ્તાન vs નેધરલેન્ડ: મેચ ક્યારે અને ક્યાં?

તારીખ: શનિવાર, 7 ફેબ્રુઆરી 2026
સમય: ભારતીય સમય અનુસાર સવારે 11:00 વાગ્યે (ટોસ સવારે 10:30 વાગ્યે)
સ્થળ: સિંહલી સ્પોર્ટ્સ ક્લબ (SSC) ગ્રાઉન્ડ, કોલંબો, શ્રીલંકા

PAK vs NED: ક્યાં જોશો લાઈવ મેચ?

ભારતમાં વર્લ્ડ કપનું સીધું પ્રસારણ સ્ટાર સ્પોર્ટ્સ નેટવર્ક (Star Sports) પર કરવામાં આવશે. તમે તેને હિન્દી, અંગ્રેજી સહિતની 5 મુખ્ય પ્રાદેશિક ભાષાઓમાં જોઈ શકશો. મોબાઈલ કે લેપટોપ પર મેચ જોવા માટે જીયો હોટસ્ટાર (JioHotstar) એપ અને વેબસાઈટ પર જવાનું રહેશે. પાકિસ્તાનમાં ચાહકો PTV Home, PTV National અને Myco પર મેચ જોઈ શકે છે, જ્યારે ડિજિટલ સ્ટ્રીમિંગ માટે Tamasha, ARY Zapp અને Tapmad ઉપલબ્ધ છે.

હવામાનની આગાહી

કોલંબોમાં હવામાનનો મિજાજ બહુ સારો દેખાઈ રહ્યો નથી. BBC Weather મુજબ, ટોસના સમયે લગભગ 37 ટકા વરસાદની શક્યતા છે અને બપોર સુધી હળવા ઝાપટાં પડી શકે છે. બીજી તરફ, AccuWeatherનું અનુમાન વધુ ચિંતાજનક છે, જેમાં દિવસના મધ્ય ભાગમાં વરસાદની આશંકા વધારે દર્શાવવામાં આવી છે.

બંને ટીમોની સંભવિત પ્લેઈંગ-11

પાકિસ્તાન: સલમાન અલી આગા (કેપ્ટન), સઈમ અયૂબ, સાહિબઝાદા ફરહાન, બાબર આઝમ, ઉસ્માન ખાન (વિકેટકીપર), ખ્વાજા નફે, શાદાબ ખાન, મોહમ્મદ નવાઝ, શાહીન આફ્રિદી, સલમાન મિર્ઝા, અબરાર અહેમદ.

નેધરલેન્ડ: મેક્સ ઓ'ડાઉડ, વિક્રમજીત સિંહ, તેજા નિદામનુરુ, સ્કોટ એડવર્ડ્સ (કેપ્ટન/વિકેટકીપર), બાસ ડી લીડે, વેસ્લી બેરેસી, રૂલોફ વેન ડેર મર્વે, લોગાન વેન બીક, પોલ વેન મીકેરેન, વિવિયન કિંગ્મા, ટિમ પ્રિંગલ.

Published On February 7, 2026