PSBK vs KKR : પંજાબે એક પછી એક ઘણા રેકોર્ડ ધ્વસ્ત કર્યા, સૌથી મોટો સ્કોર ચેજ કરનારી ટીમ બની
પંજાબ કિંગ્સ અને કોલકત્તા નાઈટ રાઈડર્સ વચ્ચે રમાયેલા હાઈ સ્કોરર મુકાબલામાં પંજાબે કોલકત્તાને હરાવીને ત્રીજી જીત મેળવી લીધી છે.
પંજાબ કિંગ્સે આઈપીએલના ઈતિહાસમાં સૌથી વધુ સ્કોરનું લક્ષ્ય હાંસલ કર્યું છે. પંજાબ કિંગ્સે કોલકાતા નાઈટ રાઈડર્સ સામે 262 રન બનાવીને નવો રેકોર્ડ બનાવ્યો છે.
જોની બેયરસ્ટોએ 45 બોલમાં સદી ફટકારી અને ઘરઆંગણે KKRને હાર આપી છે. જોની બેયરસ્ટોએ પાંચ વર્ષ બાદ IPLમાં સદી ફટકારી છે. પંજાબે આ મુકાબલો આસાનીથી 8 વિકેટે જીતી લીધી.
IPLના ઈતિહાસમાં ક્યારેય કોઈ ટીમે આટલો મોટો લક્ષ્યાંક હાંસલ કર્યો નથી. KKRની ટીમે પંજાબ સામે 261 રન બનાવીને મોટો પડકાર ઉભો કર્યો હતો. પરંતુ પંજાબ કિંગ્સના બેટ્સમેનોએ પ્રથમ ઓવરથી જ KKR બોલરો પર હુમલો કરવાનું શરૂ કરી દીધું.
પ્રભાસિમરને 20 બોલમાં 54 રનની ઇનિંગ રમીને શાનદાર શરૂઆત અપાવી. તેણે ચાર ચોગ્ગા અને પાંચ છગ્ગા ફટકાર્યા. આ પછી તે રનઆઉટ થઈને પેવેલિયન પરત ફર્યો હતો.
જોની બેરસ્ટો આ સિઝનમાં ફોર્મ સાથે સંઘર્ષ કરી રહ્યો હતો. જેના કારણે તેને ટીમમાંથી પણ બહાર કરી દેવામાં આવ્યો હતો. પરંતુ પંજાબ કિંગ્સની ટીમે તેને KKR સામેની પ્લેઈંગ ઈલેવનમાં સામેલ કર્યો અને તેણે ટીમના આ નિર્ણયને યોગ્ય સાબિત કર્યો.
પંજાબ કિંગ્સને 262 રનનો ટાર્ગેટ હાંસલ કરવામાં સૌથી મોટી ભૂમિકા જોની બેરસ્ટોએ ભજવી. IPLની આ સિઝનને રેકોર્ડ બ્રેકિંગ સિઝન કહી શકાય. આ સિઝનમાં ઘણા રેકોર્ડ તૂટી ગયા છે. IPLના ઈતિહાસમાં આ મેચમાં સૌથી વધુ 42 સિક્સર ફટકારવામાં આવી.
Click it and Unblock the Notifications
Sign in with Google
