T20 World Cup 2024 Price Money: ટી20 વિશ્વ કપ જીત્યા બાદ ટીમ ઈન્ડિયા પર પૈસાનો વરસાદ, જાણો કોને કેટલી મળી પ્રા

T20 World Cup 2024 Price Money: T20 વર્લ્ડ કપમાં ભારતે ફાઈનલ મેચમાં દક્ષિણ આફ્રિકાને હરાવીને બીજી વખત વર્લ્ડ કપ જીત્યો છે. ભારતે 2007 પછી બીજી વખત ખિતાબની લડાઈ જીતી હતી. આ સાથે 17 વર્ષ બાદ ભારત ફરી એકવાર T20 વર્લ્ડ કપ જીતવામાં સફળ રહ્યું છે.

29 જૂને રમાયેલી ફાઈનલ મેચમાં ભારતે 7 રનથી રોમાંચક વિજય મેળવ્યો હતો. કેન્સિંગ્ટન ઓવલ ખાતે ભારત અને દક્ષિણ આફ્રિકા વચ્ચે ફાઈનલ મેચ યોજાઈ હતી, જેમાં ભારતીય ટીમે ઐતિહાસિક જીત હાંસલ કરી હતી. આ સાથે ટી20 વર્લ્ડ કપ જીતનાર ભારતીય ટીમ પર પણ પૈસાનો વરસાદ થયો હતો.

કુલ ઈનામની રકમ - ભારતીય ટીમ વર્લ્ડકપ જીતતાની સાથે જ અમીર બની ગઈ છે. આ સાથે જ રનર અપ બનેલી દક્ષિણ આફ્રિકાની ટીમને પણ પૈસા મળ્યા છે. ઉલ્લેખનીય છે કે, T20 વર્લ્ડ કપ 2024 માટે કુલ 11.25 મિલિયન ડોલર એટલે કે અંદાજે રૂપિયા 93.51 કરોડની ઈનામી રકમ નક્કી કરવામાં આવી હતી.

ભારતીય ટીમને કેટલી ઈનામી રકમ મળી? - આવી સ્થિતિમાં ટી20 વર્લ્ડ કપ 2024 જીતનાર ભારતીય ટીમને લગભગ 20.36 કરોડ રૂપિયા મળ્યા છે. જે T20 વર્લ્ડ કપના ઈતિહાસમાં પ્રથમ વખત છે, જ્યારે વિજેતા ટીમને આટલી મોટી રકમ મળી છે. જ્યારે દક્ષિણ આફ્રિકાને ઈનામી રકમ તરીકે અંદાજે 10.64 કરોડ રૂપિયા મળ્યા છે.

અફઘાનિસ્તાન અને ઈંગ્લેન્ડને મળ્યા આટલા પૈસા - આ સિવાય સેમિફાઈનલમાં પહોંચેલી બાકીની બે ટીમો અફઘાનિસ્તાન અને ઈંગ્લેન્ડને પ્રાઈઝ રાઉન્ડમાં 6.54 કરોડ રૂપિયાની સમાન રકમ આપવામાં આવી હતી.

ઉલ્લેખનીય છે કે, આ વખતે T20 વર્લ્ડ કપમાં 20 ટીમોએ ભાગ લીધો હતો. આવી સ્થિતિમાં આઈસીસી દ્વારા દરેક ટીમને કેટલીક ઈનામી રકમ આપવામાં આવી છે.

T20 વર્લ્ડ કપ 2024ની ઈનામી રકમની યાદી

• વિજેતા (ભારત) ને 20.36 કરોડ રૂપિયા મળ્યા
• રનર અપ (દક્ષિણ આફ્રિકા) ને 10.64 કરોડ રૂપિયા આપવામાં આવ્યા
• સેમી ફાઇનલિસ્ટ ટીમને રૂપિયા 6.54 કરોડ
• બીજા રાઉન્ડમાંથી બહાર થયેલી ટીમોને 3.17 કરોડ રૂપિયા મળ્યા
• 9 માથી 12મા ક્રમે રહેલી ટીમોને 2.05 કરોડ રૂપિયા આપવામાં આવ્યા
• 13માથી 20મા ક્રમે રહેલી ટીમોને 1.87 કરોડ રૂપિયા મળ્યા
• આવી જ રીતે, પ્રથમ અને બીજા રાઉન્ડમાં જીતનાર ટીમને 25.89 લાખ રૂપિયા મળ્યા છે.

English summary

Rain of money on Team India after winning, know T20 World Cup 2024 Price Money