Ravindra jadeja Record: ચાર વિકેટ લેતા જ રવિન્દ્ર જાડેજા સર્જશે મોટો રેકોર્ડ
Ravindra jadeja Record: હાલ ભારત અને બાંગ્લાદેશ વચ્ચે ટેસ્ટ સિરિઝ ચાલી રહી છે. ભારત અને બાંગ્લાદેશ વચ્ચે ચાલી રહેલી ટેસ્ટ શ્રેણીમાં ટીમ ઈન્ડિયા દ્વારા શાનદાર પ્રદર્શન કરવામાં આવી રહ્યું છે.
ઉલ્લેખનીય છે કે, પ્રથમ ટેસ્ટના બીજા દિવસની બીજી ઇનિંગ શરૂ કરતા સમયે ભારતીય ક્રિકેટ ટીમને કેટલાક પડકારોનો સામનો કરવો પડ્યો હતો.
દિવસની રમતના અંત સુધીમાં ભારતીય ટીમે 81 રનમાં ત્રણ વિકેટ ગુમાવી દીધી હતી. જોકે, મેચના ત્રીજા દિવસે રોહિત શર્માની આગેવાનીમાં ભારતીય ટીમ બાંગ્લાદેશને મોટો ટાર્ગેટ આપવાનો પ્રયાસ કરશે.
બાંગ્લાદેશ સામેની ટેસ્ટમાં ભારતીય ટીમ એક બાદ એક નવા રેકોર્ડ બનાવી રહ્યા છે. આ ક્રમમાં ભારતીય ઓલરાઉન્ડર રવિન્દ્ર જાડેજાની નજર વધુ એક સિદ્ધિ પર છે. કારણ કે, તે 300 ટેસ્ટ વિકેટ સુધી પહોંચવાથી માત્ર ચાર વિકેટ દૂર છે.
20 સપ્ટેમ્બરના રોજ ચેન્નાઈમાં બાંગ્લાદેશ સામેની પ્રથમ ટેસ્ટ મેચની પ્રથમ ઈનિંગમાં બે વિકેટ લીધી હતી. આ સાથે રવિન્દ્ર જાડેજાએ 86 રન બનાવ્યા હતા.
શુભમન ગિલ અને રિષભ પંત શનિવારના રોજ બાંગ્લાદેશ સામે 81/3 ના સ્કોર સાથે ભારતીય દાવની શરૂઆત કરી હતી. ભારતે પહેલાથી જ બાંગ્લાદેશની ટીમ સામે 308 રનની લીડ વધારી દીધી છે.
ત્રીજા દિવસ માટે ટીમના પ્લાન વિશે વાત કરતા જાડેજા જણાવ્યું હતું કે, સૌથી પહેલા અમારે ખૂબ સારી બેટિંગ કરવાની છે, અમારે અહીંથી 120-150ની આસપાસ સ્કોર કરવાનો છે. અમે સારી સ્થિતિમાં હોઈશું અને પછી અમે મેદાન પર આવીશું. તો બોલિંગ પણ સારી રીતે કરી શકીશું.
રવિન્દ્ર જાડેજાએ જણાવ્યું હતું કે, બેટિંગ માટે તે ખૂબ સારું છે. વિકેટમાં ફાસ્ટ બોલર્સ અને સ્પિનર્સ માટે પણ કંઈક છે. જો રવિન્દ્ર જાડેજા બાંગ્લાદેશની બીજી ઇનિંગમાં ચાર વિકેટ લેવામાં સફળ થાય છે,
તો તે શેન વોર્ન, રવિચંદ્રન અશ્વિન અને ડેનિયલ વેટોરી જેવા મહાન સ્પિનર્સ સાથે જોડાઈને 3000 રન અને 300 ટેસ્ટ વિકેટની ડબલ પૂર્ણ કરનારો ચોથો સ્પિનરબની જશે.
Click it and Unblock the Notifications
Sign in with Google
