અરબાઝ ખાનની કબુલાત બાદ સામે આવી સટ્ટાબાજીની મશીન

બોલિવુડના દબંગખાન સલમાન ખાનના ભાઈ અરબાઝ ખાન મુશ્કેલીઓમાં ફસાતા જોવા મળી રહ્યા છે. અરબાઝ પર આઈપીએલ મેચોમાં સટ્ટાબાજીનો આરોપ લાગ્યો છે. ઠાણે પોલિસે અરબાઝ ખાનને આઈપીએલ સટ્ટાબાજી મામલે સમન મોકલાવ્યા હતા.

કલાકો સુધી તેમની પૂછપરછ

ત્યારબાદ અભિનેતા અને નિર્માતા અરબાઝ ખાન પોતાના ભાઈ સલમાન ખાનના બૉડીગાર્ડ શેરા સાથે ક્રાઈમ બ્રાન્ચ પહોંચ્યા હતા જ્યાં કલાકો સુધી તેમની પૂછપરછ થઈ હતી. આઈપીએલ સટ્ટાબાજી મામલામાં ઠાણે ક્રાઈમ બ્રાન્ચ પહોંચેલા અરબાઝ ખાનની પૂછપરછ કરવામાં આવી. સમાચાર છે કે પૂછપરછમાં સોનુ જાલાનને ઓળખવાની કબુલાત કરી અને કહ્યુ કે તે 5 વર્ષથી સોનુ જાલાનને ઓળખે છે.

સ્પેશિયલ લાઈન હોલ્ડિંગ મશીનથી થતી હતી સટ્ટાબાજી

સટ્ટાબાજી દરમિયાન ઉપયોગમાં લેવાતી મશીન પણ સામે આવી છે. સોનુ જાલાન મેચોની સટ્ટાબાજીનું સૉફ્ટવેર ચલાવતો હતો. સ્પેશિયલ લાઈન હોલ્ડિંગ મશીનથી સોનુ જાલાન કૉલ એક્સ્ચેન્જનું કામ કરતો હતો. આઈપીએલમાં સટ્ટાબાજી મામલામાં અરબાઝ ખાને સટ્ટાબાજીમાં 2 કરોડ 75 લાખ રૂપિયા હારવાની વાત પણ કબુલી છે. બુકી સોનુ જાલાનના તાર અંડરવર્લ્ડ ડૉન દાઉદ ઈબ્રાહિમ સાથે જોડાયેલા છે.

અરબાઝે કબુલ્યા જાલાન સાથેના સંબંધો

અરબાઝે આઈપીએલ મેચો દરમિયાન સટ્ટાબાજીની વાત કબુલી છે. અરબાઝે ગયા વર્ષે આઈપીએલમાં પૈસા લગાવવાની વાત સ્વીકારી અને કહ્યુ કે આ દરમિયાન તે 2.75 કરોડ રૂપિયા હારી ગયો હતો. આ કબુલનામા બાદ ફરીથી સટ્ટાબાજી અંગે નવી ચર્ચા છેડાઈ છે.

પોલિસની પકડમાં છે સોનુ જાલાન

પોલિસની પકડમાં આવેલા સોનુ જાલાને પૂછપરછમાં અરબાઝનું નામ બતાવ્યુ હતુ. તેણે જણાવ્યુ હતુ કે બોલિવુડના ઘણા સેલિબ્રિટી બેટિંગમાં અલગ-અલગ નામોથી પૈસા લગાવે છે. સોશિયલ મીડિયા પર સટ્ટાબાજ સોનુ જાલાનની સાથે અરબાઝની ઘણી તસવીરો વાયરલ થઈ રહી હતી. પોલિસ હવે એ વાતની તપાસ કરી રહી છે કે અરબાઝની સાથે બીજા કયા સ્ટાર્સે સોનુ દ્વારા આઈપીએલ મેચોમાં બેટિંગ કરી.

ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો

English summary

special line holding machine used sonu jalan running ipl betting racket