IPL 2020: શું રાજસ્થાનના કેપ્ટન બદલવાની પણ જરૂર? સ્ટિવ સ્મિથને શું બટલર રિપ્લેસ કરશે?

Updated: Friday, October 16, 2020, 16:53 [IST]

IPL 2020 દિલચસ્પ વળાંકે પહોંચી ગયો છે. ઈન્ડિયન પ્રીમિયર લીગની ધમાકેદાર શરૂઆત કરનાર રાજસ્થાન રોયલ્સે હવે દરેક મેચ જીવ માટે ફાંફાં મારવાં પડી રહ્યાં છે. રાજસ્થાન રોયલ્સના ખરાબ પ્રદર્શનને કારણે સોશિયલ મીડિયામાં કેટલીક ચર્ચાઓ પણ જાગી છે. અત્યારે હજી અડધી ટૂર્નામેન્ટ બાકી છે ત્યારે રાજસ્થાન રોયલ્સે કરેલા ટ્વીટથી અંદાજો લગાવવામાં આવી રહ્યો છે કે રાજસ્થાન પોતાના ટીમના કેપ્ટન બદલી શકે છે.

જણાવી દઈએ કે સ્ટિવ સ્મિથ કેપ્ટન તરીકે અને બેટ્સમેન તરીકે બંને રીતે સંપૂર્ણપણે નિષ્ફળ સાબિત થયા છે. માત્ર એક જ મેચમાં સારું પરફોર્મ કર્યા બાદ સ્ટીવ સ્મિથ પોતાના બેટથી જાદૂ ના દેખાડી શક્યા. ત્યારે ટીમ મેનેજમેન્ટ હવે સ્ટીવ સ્મિથને બદલે જોશ બટલરને ટીમની કમાન સોંપવા ઈચ્છી રહ્યા હોય તેવું લાગી રહ્યું છે.

Poetry in 𝒔𝒕𝒐𝒑 motion! 😉#HallaBol | #RoyalsFamily | #IPL2020 | @josbuttler pic.twitter.com/PcUHaTOVww
— Rajasthan Royals (@rajasthanroyals) October 16, 2020

ઉલ્લેખનીય છે કે રાજસ્થાન રોયલ્સે બે ટ્વીટ કર્યાં હતાં- એક તસવીર હતી અને અન્ય એક વીડિયો હતો. જો કે ટ્વીટમાં જોશ બટલર ટીમની આગેવાની કરશે તેવો ક્યાંય ઉલ્લેખ નહોતો.

જણાવી દઈએ કે રાજસ્થાન રોયલ્સ અત્યાર સુધીમાં કુલ 8 મેચ રમી ચૂકી છે. જેમાંથી માત્ર 3 મેચમાં જ જીત હાંસલ થઈ હતી અને 5 મેચમાં હારનો સામનો કરવો પડ્યો હતો. પોઈન્ટ ટેબલમા રાજસ્થાન રોયલ્સ 6 પોઈન્ટ સાથે સાતમા નંબરે છે. દિલ્હી કેપિટલ્સ 12 પોઈન્ટ સાથે પહેલા નંબરે છે. જો મુંબઈ ઈન્ડિયન્સ આજનો મુકાબલો જીતે છે તો મુંબઈ 12 રોઈન્ટ સાથે ઉચ્ચતમ રનરેટની મદદથી પોઈન્ટ ટેબલ પર પહેલા સ્થાને પહોંચી જશે અને દિલ્હી કેપિટલ્સ બીજા નંબરે સરકી જશે.

Thankful for a boss like Jos. 💗#HallaBol | #RoyalsFamily | #BossDay | @josbuttler pic.twitter.com/ZFUZnoyQNH
— Rajasthan Royals (@rajasthanroyals) October 16, 2020