T20 World Cup : પાકિસ્તાન ટીમ T20 વર્લ્ડ કપમાંથી બહાર થશે? ટીમ જાહેર ન કરતા જાણો હવે શું થશે?

આવનારા ટી 20 વર્લ્ડ કપ માટે તમામ દેશોએ ટીમ જાહેર કરી છે પરંતુ પાકિસ્તાને ટીમ જાહેર કરી નથી. હવે ચર્ચા શરૂ થઈ છે કે પાકિસ્તાન વર્લ્ડ કપમાંથી બહાર થઈ શકે છે.

પાકિસ્તાન ક્રિકેટમાં એક અલગ સંકટ સર્જાયુ છે. જેના કારણે તે ટીમ T20 વર્લ્ડ કપ માટે ટીમની જાહેરાત કરી શકી નથી. પાકિસ્તાન ક્રિકેટ બોર્ડે કેટલાક ખેલાડીઓની ફિટનેસ અને પ્રદર્શન સંબંધિત સમસ્યાઓને કારણે તેની વર્લ્ડ કપ ટીમની જાહેરાત મેના અંત સુધી મુલતવી રાખી છે.

પાકિસ્તાન તેની T20 વર્લ્ડ કપ ટીમની જાહેરાત 23 અથવા 24 મેના રોજ કરશે, જે ICC દ્વારા વર્લ્ડ કપ ટેકનિકલ કમિટીની પરવાનગી વિના તેની ટીમમાં ફેરફાર કરવા માટે નિર્ધારિત સમયમર્યાદા પણ છે.

પીસીબીના સૂત્રો અનુસાર, મેનેજમેન્ટ અને પસંદગીકારો મોહમ્મદ રિઝવાન, આઝમ ખાન, ઈરફાન ખાન નિયાઝી અને હરિસ રઉફની નાની ઈજાઓથી ચિંતિત છે અને તેઓ આયર્લેન્ડ અને ઈંગ્લેન્ડમાં તેમના પ્રદર્શન પર નજર રાખશે.

પાકિસ્તાની ટીમમાં કેપ્ટનશિપનો વિવાદ છે. ગયા વર્ષે બોર્ડે બાબર આઝમને હટાવીને શાહીન આફ્રિદીને કેપ્ટન બનાવ્યો હતો. પરંતુ T20 વર્લ્ડ કપ પહેલા ફરી એકવાર બાબર આઝમને કપ્તાની સોંપવામાં આવી છે.

પીસીબીના પસંદગીકારો ગુરુવારે આયર્લેન્ડ અને ઈંગ્લેન્ડના પ્રવાસ માટે ટીમની જાહેરાત કરશે. ટીમ મેનેજમેન્ટ અને પસંદગીકારો વર્લ્ડ કપની ટીમની જાહેરાત કરતા પહેલા પસંદગી પામેલા ખેલાડીઓની ફિટનેસ અને પ્રદર્શનનું મૂલ્યાંકન કરશે.

અત્યાર સુધી ભારત, ઓસ્ટ્રેલિયા, ઈંગ્લેન્ડ, દક્ષિણ આફ્રિકા, ન્યુઝીલેન્ડે પોતાની વર્લ્ડ કપ ટીમોની જાહેરાત કરી દીધી છે.

English summary

T20 World Cup: Pakistan team will be out of T20 World Cup?