Today's IPL 2023 Match: આઈપીએલમાં આજે કોની-કોની વચ્ચે મેચ છે - KKR vs RR
Today's IPL 2023 Match: આજે IPL 2023ની 56મી મેચમાં, કોલકાતા નાઈટ રાઈડર્સની ટીમ રાજસ્થાન રૉયલ્સની ટીમ સામે તેમના હોમ ગ્રાઉન્ડ ઈડન ગાર્ડન્સ પર ટકરાશે. પોઈન્ટ ટેબલમાં બંને ટીમો એકબીજાની ખૂબ જ નજીક છે.
રાજસ્થાન રૉયલ્સ પાંચમા સ્થાને છે, જ્યારે કેકેઆરની ટીમ છઠ્ઠા સ્થાને છે. બંને ટીમોએ 11 મેચમાંથી પાંચ-પાંચ જીત નોંધાવી છે. રાજસ્થાન રૉયલ્સે જે રીતે શરૂઆત કરી હતી, તેને આઈપીએલ 2023 સીઝનની 'ટીમ ટુ બીટ' તરીકે જોવામાં આવી રહી હતી પરંતુ તે પછી તેઓ સતત અનેક મેચ હારી ગયા હતા.
કોલકાતા નાઈટ રાઈડર્સની ટીમ આમ જોવા જઈએ તો બહુ સારુ પણ નથી રમી અને બહુ ખરાબ પણ નથી રમી. ગમે એમ કરીને તેઓ પ્લેઑફની રેસમાં ઉભા છે. આ સ્થિતિમાં, આજની મેચ બંને માટે ખૂબ જ મહત્વપૂર્ણ છે કારણ કે હારનાર માટે પ્લેઑફનો માર્ગ જટિલ હશે.
IPLમાં આજની મેચ
IPL 2023 માં કોલકાતા નાઈટ રાઈડર્સ વિ રાજસ્થાન રૉયલ્સ મેચ કોલકાતાના ઈડન ગાર્ડન્સ ખાતે રમાવા જઈ રહી છે. તમે આ મેચ ભારતીય સમય અનુસાર સાંજે 7:30 વાગે ટીવી પર સ્ટાર સ્પોર્ટ્સ નેટવર્ક અને મોબાઈલ પર Jio Cinema એપ દ્વારા જોઈ શકો છો. તેનુ લાઈવ સ્ટ્રીમિંગ લેપટોપ પર Jio સિનેમાની વેબસાઈટ પર જોઈ શકાય છે.
IPL 2023માં ગઈ કાલની મેચ કોણે જીતી
ગઈકાલે એટલે કે 10 મેના રોજ, ચેન્નાઈના એમએ ચિદમ્બરમ સ્ટેડિયમમાં, ચેન્નાઈ સુપર કિંગ્સ ટીમે દિલ્હી કેપિટલ્સને 27 રનથી હરાવ્યું અને પ્લેઑફ તરફ વધુ એક પગલું ભર્યુ. આ જીત સાથે ચેન્નાઈ સુપર કિંગ્સ પાસે 12 મેચમાં 15 પોઈન્ટ છે જ્યારે દિલ્હી કેપિટલ્સના 11 મેચમાં 8 પોઈન્ટ થઈ ગયા છે. દિલ્હી કેપિટલ્સ ટીમને હવે બિનસત્તાવાર રીતે પ્લેઑફની રેસમાંથી બહાર ગણવી જોઈએ.
Click it and Unblock the Notifications
Sign in with Google
