વૈભવ સૂર્યવંશીનો વર્લ્ડ રેકોર્ડ, તોડ્યો બાબર આઝમનો કીર્તિમાન, દુનિયાભરમાં મચાવ્યો તહલકો
Vaibhav Sooryavanshi: ભારતીય ક્રિકેટના નવા 'વન્ડર બોય' વૈભવ સૂર્યવંશીએ અંડર-19 વર્લ્ડ કપ 2026ની ફાઇનલમાં ઇતિહાસ રચ્યો છે. તેણે ઇંગ્લેન્ડ સામે 175 રનની તોફાની ઇનિંગ રમીને પાકિસ્તાનના સ્ટાર બેટ્સમેન બાબર આઝમનો એક મોટો વર્લ્ડ રેકોર્ડ પોતાના નામે કર્યો છે.
અગાઉ, અંડર-19 વર્લ્ડ કપમાં સૌથી નાની વયે સદી ફટકારવાનો રેકોર્ડ બાબર આઝમના નામે હતો (2010માં 15 વર્ષ 92 દિવસ). જોકે, વૈભવે માત્ર 14 વર્ષ 316 દિવસની ઉંમરે આ સિદ્ધિ મેળવી, અને 15 વર્ષ પહેલા સદી ફટકારનાર વિશ્વનો પ્રથમ ક્રિકેટર બન્યો.
ફાઇનલમાં વૈભવે 81 બોલમાં અદભૂત 175 રન બનાવ્યા, જેમાં 15 ચોગ્ગા અને 15 ગગનચુંબી છગ્ગા શામેલ હતા. તેણે એક ઇનિંગમાં સૌથી વધુ છગ્ગા લગાવવાનો પોતાનો રેકોર્ડ (અગાઉ UAE સામે 14) પણ તોડ્યો.
આ ઉપરાંત, વૈભવ હવે અંડર-19 વર્લ્ડ કપ ફાઇનલમાં સૌથી વધુ સ્કોર બનાવનાર ભારતીય ખેલાડી બન્યો છે (ઉન્મુક્ત ચંદનો 111 રનનો રેકોર્ડ પાર કર્યો). તે નોકઆઉટ મેચોમાં 150થી વધુ રન બનાવનાર પ્રથમ ખેલાડી પણ છે.
તેની આ વિસ્ફોટક બેટિંગના દમ પર ભારતે ઇંગ્લેન્ડને 100 રનથી હરાવી છઠ્ઠી વાર વર્લ્ડ કપનો ખિતાબ જીત્યો. ભારતીય ટીમે પ્રથમ બેટિંગ કરતા વૈભવના ઐતિહાસિક 175 રનની મદદથી વિશાળ લક્ષ્ય આપ્યું હતું.
લક્ષ્યનો પીછો કરવા ઉતરેલી ઇંગ્લેન્ડની ટીમ ભારતીય બોલરોની સચોટ લાઇન અને લેન્થ સામે ટકી શકી નહિ અને સંપૂર્ણપણે ધરાશાયી થઈ ગઈ. આ જીત સાથે ભારતે રેકોર્ડ છઠ્ઠી વાર અંડર-19 વર્લ્ડ કપનો ખિતાબ પોતાના નામે કર્યો. વૈભવ સૂર્યવંશીને તેની આ જાદુઈ મેચ વિનિંગ ઇનિંગ્સ માટે 'પ્લેયર ઓફ ધ મેચ' તરીકે પસંદ કરવામાં આવ્યો હતો.
Click it and Unblock the Notifications
Sign in with Google
