વર્લ્ડ કપ પહેલા કોહલીનો વિરાટ ધમાકો, દુનિયાના બદા જ ક્રિકેટર્સને પાછળ છોડ્યા

Updated: Tuesday, May 21, 2019, 22:21 [IST]

નવી દિલ્હીઃ ઈંગ્લેન્ડ એન્ડ વેલ્સમાં યોજાનાર વર્લ્ડ કપ અગાઉ ભારતીય ક્રિકેટ ટીમના કેપ્ટન વિરાટ કોહલીએ મોટો ધમાકો કતા દુનિયાના તમામ ક્રિકેટર્સને એક ખાસ મામલામાં પાછળ છોડી દીધા છે. વિરાટ કોહલી સોશિયલ મીડિયામાં સૌથી વધુ ફેન ફોલોઈંગ ધરાવતા ક્રિકેટર બની ગયા છે. વિરાટ કોહલીના ફેન ફોલોઈંગની સંખ્યા 10 કરોડથી પણ ઉપર પહોંચી ગઈ છે. તેમણે ટ્વીટર, ફેસબુક અને ઈંસ્ટાગ્રામ દ્વારા દુનિયાભરમાં પોતાના ચાહકોની સંખ્યા વધારી છે.

તોડ્યો આ રેકોર્ડ

કોહલીને ફેસબુક પર 3.7 કરોડ, ટ્વીટર પર 2.95 કરોડ અને ઈન્સ્ટાગ્રામ પર 3.7 કરોડ લોકો ફોલો કરે છે. ફુટબોલ અથવા ટેનિસની જેમ કેલોકપ્રિય ન હોવા છતાં ક્રિકેટની દુનિયામાં આટલા મોટા પ્રમાણમાં તેમના ચાહકો હોવા જ એક મોટી વાત છે. પોતાના સોશિયલ મીડિયા પર કોહલી અવારનવાર અનુષ્કા સાથે ટ્રાવેલિંગના ફોટો, બ્રાન્ડ પ્રમોશન, ભારતીય ક્રિકેટ ટીમ અને આઈપીએલ ફ્રેન્ચાઈઝ રોયલ ચેલેન્જર્સ બેંગ્લોર વિશે પોસ્ટ કરે છે.

આવી પોસ્ટ કરે છે શેર

આ ઉપરાંત તેઓ સમયે-સમયે ફિટનેસ સાથે જોડાયેલ વીડિયો તથા ટીપ્સ પણ સોશિયલ મીડિયા પર શેર કરતા રહે છે. ગત વર્ષે કોહલીએ પત્ની અનુષ્કા શર્માની સાથે કરવા ચોથ પર ફોટો પોસ્ટ કરી હતી. જેને આ વર્ષે 2018ની સૌથી વધુ પસંદ કરવામાં આવેલ ફોટો બની ગઈ. આ ફોટોને સવા બે લાખ લાઈક મળી હતી. સાથે જ તેને મોસ્ટ રીટ્વીટેડ ટ્વીટ પણ ગણાવવામાં આવ્યું હતું. આ ટ્વીટને એ વર્ષના ગોલ્ડન ટ્વીટમાં સામેલ કરવામાં આવ્યું હતુ્ં.

My life. My universe. ❤❤ Karvachauth ❤👫 @AnushkaSharma pic.twitter.com/a2v18dh8rH
— Virat Kohli (@imVkohli) October 27, 2018

કરોડો લોકો ફોલો કરે છે

જણાવી દઈએ કે પોર્ટુગલના ફુટબોલ સ્ટાર ક્રિસ્ટિયાનો રોનાલ્ડોના ઈન્સ્ટાગ્રામ પર સૌથી વધુ 167 મિલિયન ફોલોઅર્સ છે. ટ્વિટર પર ક્રિસ્ટિયાનો રોનાલ્ડોના સૌથી વધુ 7.7 કોડ ફોલોઅર્સ છે. જે બાદ ફુટબોલ ખેલાડી નેમાર જૂનિયરનો નંબર આવે છે. ટ્વિટર પર તેમના 4.3 કરોડ ફોલોઅર્સ છે. જો ફેસબુક ફોલોઅર્સની વાત કરીએ તો રોનાલ્ડોને 12.2 કરોડ લોકો ફોલો કરે છે. જે બાદ 8.9 કરોડ ફોલોઅર્સ સાથે મેસી બીજા નંબરે આવે છે.