World Cup Today's Match: વર્લ્ડ કપ 2023માં આજે કોની વચ્ચે મેચ છે - સાઉથ આફ્રિકા વિ બાંગ્લાદેશ
World Cup Today's Match: વિશ્વકપમાં નાની ટીમોએ જે રીતે અપસેટ સર્જ્યો છે તેના કારણે મોટી ટીમોનું ગણિત રસપ્રદ બની ગયું છે. આજે વધુ એક રોમાંચક મેચ દક્ષિણ આફ્રિકા અને બાંગ્લાદેશ વચ્ચે છે. ક્રિકેટ ચાહકો આજની મેચમાં પણ મોટા અપસેટની અપેક્ષા રાખી રહ્યા છે.
દક્ષિણ આફ્રિકાની ટીમ જબરદસ્ત ફોર્મમાં છે અને આજની મેચ જીતીને સેમીફાઈનલની રેસમાં પોતાને મજબૂત કરવા ઈચ્છશે. બાંગ્લાદેશ પણ મેચમાં મોટો અપસેટ સર્જીને પોતાની આશા જીવંત રાખવા પર નજર રાખશે. બાંગ્લાદેશ આજની મેચમાં સારી રમત બતાવીને દક્ષિણ આફ્રિકાના ચોકર્સ ટેગનો લાભ લેવાની આશા રાખશે.
વર્લ્ડ કપની 10 ટીમોમાં દક્ષિણ આફ્રિકાનો રન રેટ સૌથી વધુ છે. ઇંગ્લેન્ડને દક્ષિણ આફ્રિકાએ 229 રને હરાવ્યું હતું. જો દક્ષિણ આફ્રિકા આજે જીતશે તો તે પોઈન્ટ ટેબલમાં બીજા સ્થાને પહોંચી જશે. ભારત સામેની મેચમાં બાંગ્લાદેશે એકપણ વિકેટ ગુમાવ્યા વિના 93 રન બનાવ્યા હતા પરંતુ તે પછી ટીમ અચાનક પત્તાના મહેલની જેમ પડી ભાંગી હતી.
આજની મેચ મુંબઈના વાનખેડે સ્ટેડિયમમાં બપોરે 2 વાગે રમાશે. આજની મેચમાં બેટ્સમેનોને ફાયદો થશે અને ઘણા રન જોવા મળી શકે છે. આજે બપોરે તાપમાન 37 ડિગ્રી સેલ્સિયસ રહેવાની સંભાવના છે. વરસાદની કોઈ શક્યતા નથી.
છેલ્લી મેચમાં સુકાની બવુમા પેટમાં ખરાબીને કારણે મેચ રમી શક્યો ન હતો, તેની જગ્યાએ હેનરિચે 75 બોલમાં 85 રનની ઇનિંગ રમી હતી. પરંતુ આજે હેનરીકની જગ્યાએ બવુમા ટીમમાં વાપસી કરી શકે છે. બવુમાએ છેલ્લી ત્રણ ઇનિંગ્સમાં 59 રન બનાવ્યા છે. બવુમા આ વર્ષે દક્ષિણ આફ્રિકા માટે સૌથી વધુ રન બનાવનાર ખેલાડી છે, જેના કારણે તેને ટીમનો કેપ્ટન બનાવવામાં આવ્યો છે.
બાંગ્લાદેશની વાત કરીએ તો તસ્કીન અહેમદ ખભાની ઈજાના કારણે ટીમની બહાર રહી શકે છે. પરંતુ બાંગ્લાદેશને આશા હશે કે શાકિબ અલ હસન આજે ટીમમાં પરત ફરે. તે ભારત સામેની મેચમાં ઉપલબ્ધ નહોતો. શાકિબ ન્યૂઝીલેન્ડ સામેની મેચમાં ઈજાગ્રસ્ત થયો હતો. રસપ્રદ વાત એ છે કે, 2015 પછી પ્રથમ વખત એશિયામાં દક્ષિણ આફ્રિકા અને બાંગ્લાદેશ વચ્ચે ટક્કર થઈ રહી છે.
બાંગ્લાદેશ સંભવિત 11
લિટન દાસ, તંજીદ હસન, નઝમુલ હુસૈન શાંતો, મેહદી હસન મિરાજ, તૌહીદ હ્રદોય, મુશફિકુર રહીમ (વિકેટકીપર), મહમુદુલ્લાહ, શાકિબ અલ હસન (કેપ્ટન), હસન મહમૂદ, મુસ્તફિઝુર રહેમાન અને શોરફુલ ઈસ્લામ.
દક્ષિણ આફ્રિકા સંભવિત 11
ક્વિન્ટન ડી કૉક (વિકેટકીપર), રીઝા હેન્ડ્રીક્સ, રાસી વાન ડેર ડુસેન, એઇડન માર્કરામ (કેપ્ટન), હેનરિક ક્લાસેન, ડેવિડ મિલર, માર્કો યેન્સન, ગેરાલ્ડ કોએત્ઝી, કેશવ મહારાજ, કગીસો રબાડા, લુંગી એનગીડી
Click it and Unblock the Notifications
Sign in with Google
