World Cup Today's Matches: વર્લ્ડ કપ 2023માં આજે કોની વચ્ચે મેચ છેઃ પાકિસ્તાન-શ્રીલંકા, ઈંગ્લેન્ડ-બાંગ્લાદેશ

World Cup 2023 Today's Matches: વર્લ્ડ કપમાં આજે ડબલ હેડર છે. ચાર ટીમો અને બે મેચો રમાવાની છે. પ્રથમ મેચમાં ઈંગ્લેન્ડનો સામનો બાંગ્લાદેશની ટીમ સાથે થશે. આ મેચ ધર્મશાલામાં રમાશે. બીજી મેચમાં પાકિસ્તાન અને શ્રીલંકા સામસામે ટકરાશે. આ મેચ હૈદરાબાદમાં રમાશે.

ઇંગ્લેન્ડની ટીમને છેલ્લી મેચમાં ન્યૂઝીલેન્ડ સામે હારનો સામનો કરવો પડ્યો હતો. આ વખતે ઈંગ્લિશ ટીમ વિજય નોંધાવવાના ઈરાદા સાથે મેદાનમાં ઉતરશે. બાંગ્લાદેશે તેની છેલ્લી મેચ જીતી હતી. બાંગ્લાદેશે અફઘાનિસ્તાન ટીમને હરાવ્યું હતું.

પાકિસ્તાનની ટીમ તેની છેલ્લી મેચ નેધરલેન્ડ સામે હૈદરાબાદમાં જ રમી હતી. તે મેચમાં કેટલાક બેટ્સમેનો ફ્લોપ રહ્યા હતા પરંતુ પાકિસ્તાની ટીમ વિજય નોંધાવવામાં સફળ રહી હતી. આ વખતે પણ પાકિસ્તાની ટીમ વિજય નોંધાવવાના ઈરાદા સાથે મેદાનમાં ઉતરશે.

શ્રીલંકાની ટીમની પ્રથમ મેચ નિરાશાજનક રહી હતી. શ્રીલંકાને દક્ષિણ આફ્રિકાએ મોટો સ્કોર કરીને પરાજય આપ્યો હતો. શ્રીલંકા આ મેચમાં જીત નોંધાવવાનો પ્રયાસ કરશે. જો કે, આ કાર્ય એટલું સરળ નથી. પાકિસ્તાન પાસે મજબૂત બોલિંગ છે.

પ્રથમ મેચ સવારે 10.30 કલાકે રમાશે. આ પછી બીજી મેચ બપોરે 2 વાગ્યે શરૂ થશે. દર્શકોને બેવડી મજા આવશે. બેટ્સમેનોના રનથી મનોરંજનની અપેક્ષા રાખી શકાય છે. બોલરો પણ પોતાનુ શ્રેષ્ઠ આપવાનો પ્રયાસ કરશે.

English summary

World Cup Today's matches are between England and Bangladesh, Sri Lanka and Pakistan