World Cup 2023: યુવરાજ સિંહે આ ખેલાડીને કહ્યો મેચ વિનર, વર્લ્ડકપ ટીમમાં ના શામેલ કરાતા આપી પ્રતિક્રીયા
BCCIએ ભારતની 15 સભ્યોની અંતિમ ટીમ જાહેર કરી દીધી છે. અક્ષર પટેલની જગ્યાએ આર અશ્વિનને ટીમમાં સ્થાન આપવામાં આવ્યું છે. અશ્વિનને છેલ્લી ઘડીએ વર્લ્ડ કપની ટીમમાં જગ્યા મળી હતી.
આ સિવાય ચહલને વર્લ્ડ કપની ટીમમાં સ્થાન મળવાની આશા હતી, પરંતુ એવું થયું નહીં. આ દરમિયાન પૂર્વ ક્રિકેટર યુવરાજ સિંહે ટીમ ઈન્ડિયાની વર્લ્ડ કપ ટીમને લઈને મોટી પ્રતિક્રિયા આપી છે.
જ્યારે યુવરાજ સિંહને વર્લ્ડ કપની અંતિમ ટીમ વિશે પૂછવામાં આવ્યું તો તેણે કહ્યું, 'અમારી ટીમનું સંતુલન સારું છે. મને લાગે છે કે યુઝવેન્દ્ર ચહલ ત્યાં હોવો જોઈએ, કારણ કે આપણે ભારતમાં રમીએ છીએ અને ત્યાં ઘણી વખત સ્પિન (અહીની પીચો પર) હોય છે. જો કે, મને લાગે છે કે તે એક સારું સંતુલન છે.
તેણે આગળ કહ્યું, 'તે થોડું આશ્ચર્યજનક હતું, કારણ કે મેં કહ્યું હતું કે યુઝવેન્દ્ર ચહલ વધુ સારો વિકલ્પ હોત કારણ કે લેગ સ્પિનર એવી વ્યક્તિ છે જે તમને મેચ જીતી શકે છે. મને લાગે છે કે વોશિંગ્ટન સુંદર એક યુવાન છોકરો છે અને સારી બેટિંગ કરે છે, પરંતુ આખરે હું કહીશ કે કેપ્ટન અને કોચને શ્રેષ્ઠ ફોર્મ જોવાનું હોય છે.
#WATCH | On Team India World Cup squad, former cricketer Yuvraj Singh says, "The balance of our team is good. I felt that Yuzvendra Chahal should have been there because we are playing in India and often there is spin (on the pitches here). Otherwise, I think it is a good… pic.twitter.com/LxLyAznwgt
— ANI (@ANI) September 29, 2023
ટીમ ઈન્ડિયા તેના વર્લ્ડ કપ અભિયાનની શરૂઆત પહેલા બે પ્રેક્ટિસ મેચ રમશે. આ ક્રમમાં, તેઓ 30 સપ્ટેમ્બરે ઇંગ્લેન્ડ સામે ટકરાશે અને ત્યારબાદ 3 ઓક્ટોબરે નેધરલેન્ડ સામે મેચ રમશે. દરમિયાન, સ્ટાર સ્પોર્ટ્સ સાથે વાત કરતાં ગાવસ્કરે વર્લ્ડ કપ 2023માં ભારત અને ઓસ્ટ્રેલિયાની પ્રથમ મેચ માટે ટીમ ઈન્ડિયાના પ્લેઈંગ ઈલેવનની પસંદગી કરી છે.
ઓસ્ટ્રેલિયા સામે ભારતની પ્લેઈંગ ઈલેવન: રોહિત શર્મા, શુભમન ગિલ, વિરાટ કોહલી, શ્રેયસ ઐયર, કેએલ રાહુલ, હાર્દિક પંડ્યા, રવિન્દ્ર જાડેજા, કુલદીપ યાદવ, મોહમ્મદ શમી, મોહમ્મદ સિરાજ અને જસપ્રિત બુમરાહ
ICC વર્લ્ડ કપ 2023 માટે ભારતની ટીમ: રોહિત શર્મા (કેપ્ટન), હાર્દિક પંડ્યા (વાઈસ-કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ, રવિન્દ્ર જાડેજા, શાર્દુલ ઠાકુર, જસપ્રિત બુમરાહ, મોહમ્મદ સિરાજ, કુલદીપ યાદવ, મોહમ્મદ શમી, રવિચંદ્રન અશ્વિન, ઈશાન કિશન. સૂર્યકુમાર યાદવ
Click it and Unblock the Notifications
Sign in with Google
