IPL 2023: યશસ્વી જયસ્વાલે રચ્યો ઇતિહાસ, આઇપીએલની સૌથી ફાસ્ટેસ્ટ ફિફ્ટી મારી
ઓપનર યશસ્વી જયસ્વાલે IPL 2023માં ઈતિહાસ રચ્યો છે. રાજસ્થાન રોયલ્સ તરફથી રમતા જયસ્વાલે કોલકાતા નાઈટ રાઈડર્સ સામે માત્ર 13 બોલમાં પોતાના 50 રન પૂરા કર્યા હતા. આઈપીએલના ઈતિહાસમાં કોઈપણ બેટ્સમેનની આ સૌથી ઝડપી ફિફ્ટી છે.
આ દરમિયાન જયસ્વાલે 6 ફોર અને 3 સિક્સર ફટકારી હતી. આ પહેલા આ રેકોર્ડ કેએલ રાહુલના નામે હતો. તેણે મોહાલીમાં દિલ્હી કેપિટલ્સ સામે 14 બોલમાં અડધી સદી ફટકારી હતી.
જીત માટે 150 રનના ટાર્ગેટનો પીછો કરતા યશસ્વી જયસ્વાલે પહેલી જ ઓવરમાં જ હંગામો મચાવ્યો હતો. અણધારી રીતે બોલિંગની શરૂઆત કરવા આવતા, ફોર્મમાં રહેલા યુવા બેટ્સમેન યશસ્વીએ પહેલી જ ઓવરમાં સતત બે છગ્ગા ફટકારીને તબાહી મચાવી દીધી હતી.
આ પછી તેણે સતત બે ચોગ્ગા ફટકાર્યા. તેણે પાંચમા બોલ પર 2 રન લીધા અને ઓવરનો અંત ફોર સાથે કર્યો. યશસ્વીએ પ્રથમ ઓવરમાં 26 રન બનાવ્યા જે IPLના ઈતિહાસમાં પ્રથમ ઓવરમાં સૌથી વધુ રન બનાવવાનો નવો રેકોર્ડ છે. યશસ્વીએ ઈનિંગની પહેલી જ ઓવરમાં પોતાના ઈરાદા સ્પષ્ટ કરી દીધા હતા.
Click it and Unblock the Notifications
Sign in with Google
