હજારો કરોડની ફાઇટ જીતી મેવેદરે રચ્યો ઇતિહાસ

Written By:
Subscribe to Oneindia News

પોતાના પ્રોફેસનલ બોક્સિંગ કરિયરમાં એક પણ મેચ ન હારનાર બોક્સિંગ લિજેન્ડ ફ્લૉયડ મેવેદરે ફરી એકવાર ઇતિહાસ રચ્યો છે. રવિવારે મેવેદર અને કૉનર મેકગ્રેગર વચ્ચે બોક્સિંગ મેચ રમાઇ હતી, જેમાં મેવેદર વિજેતા બન્યા હતા. આ સાથે જ મેવેદરનો પ્રોફેશનલ બોક્સિંગ કરિયરનો રેકોર્ડ 50-0 થઇ ગયો છે. 40 વર્ષીય મેવેદરે આ સૌથી મોંઘી ફાઇટમાં મિક્સ્ડ માર્શલ આર્ટ્સ સુપરસ્ટાર 21 વર્ષીય કૉનોર મેકગ્રેગોરને હરાવીને પોતાના કરિયરનો 50-0 રેકોર્ડ પ્રસ્થાપિત કરી ઇતિહાસ રચ્યો છે.

floyd mayweather

બોક્સિંગ જગતના આ બે દિગ્ગજો વચ્ચે રમાયેલી ફાઇટમાં અબજો રૂપિયા દાંવ પર લાગ્યા હતા. આ પહેલાં રિટાયરમેન્ટ સુધીમાં રમાયેલ 49 મેચોમાં મેવેદર એક પણ મેચ હાર્યા નથી, આ મેચોમાંથી 26 બાઉટ તો તેમણે નૉકઆઉટ જીતી છે. મેકગ્રોગરની વાત કરીએ તો, કુલ 24 બાઉટમાંથી તે માત્ર 3 હાર્યા છે અને 21માં જીત મેળવી છે.

ફ્લૉયડ મેવેદર અે કૉનોર મેકગ્રેગર વચ્ચે રમાયેલ આ હાઇ પ્રોફાઇલ ફાઇટ બોક્સિંગ ઇતિહાસની અત્યાર સુધીની સૌથી મોંઘી ફાઇટ હતી. આ ફાઇટ માટે 600 મિલિયન ડોલર એટલે કે આશરે 4000 કરોડ રૂપિયા દાંવ પર લાગ્યા હતા.

લાસ વેગાસમાં રમાયેલ આ ફાઇટ 220 દેશોમાં લાઇવ બતાવવામાં આવી હતી. લગભગ 1 કરોડ લોકો આ ફાઇટ લાઇવ જોઇ રહ્યા હતા. યુએસના 400થી વધુ સિનેમોઘરોમાં આ ફાઇટ લાઇવ પ્રસારિત કરવામાં આવી હતી.

મેવેદર આ પહેલાં પોતાના કરિયરમાં 387 પ્રોફેશનલ બોક્સિંગ રાઉન્ડ રમી ચૂક્યા છે.

English summary
Floyd Mayweather Jr stops McGregor in memorable Las Vegas bout.

For Breaking News from Gujarati Oneindia
Get instant news updates throughout the day.