ગુજરાતની 5 રનથી હાર, સાહા-ગિલની પાર્ટનરશીપ એળે ગઈ!
IPL 2022ની 51મી મેચમાં મુંબઈ ઈન્ડિયન્સે ગુજરાત ટાઈટન્સને 5 રનથી હરાવ્યું છે. ગુજરાત સામે 178 રનનો ટાર્ગેટ હતો, જેના જવાબમાં ટીમ 172/5નો સ્કોર જ બનાવી શકી અને મેચ હારી ગઈ.
IPL 2022ની 51મી મેચમાં મુંબઈ ઈન્ડિયન્સે ગુજરાત ટાઈટન્સને 5 રનથી હરાવ્યું છે. ગુજરાત સામે 178 રનનો ટાર્ગેટ હતો, જેના જવાબમાં ટીમ 172/5નો સ્કોર જ બનાવી શકી અને મેચ હારી ગઈ. એક સમયે જીટીનો સ્કોર 16 ઓવરમાં 138/3 હતો અને તે ટીમની જીત માટે ફેવરિટ માનવામાં આવતી હતી, પરંતુ તે પછી MIના બોલરોએ તેમની તાકાત બતાવી અને ટાઇટન્સને કોઈ તક આપી ન હતી.
વર્તમાન ટુર્નામેન્ટમાં મુંબઈની 10 મેચોમાં આ માત્ર બીજી જીત છે. ટીમ 8 મેચ હારી છે. તે જ સમયે, ગુજરાતની 11 મેચોમાં આ ત્રીજી હાર છે. હાર્દિકની કપ્તાનીવાળી ગુજરાત ટાઉટન્સે 8 મેચ જીતી છે.
આ પહેલા ટોસ હાર્યા બાદ બેટિંગ કરતા MIએ 6 વિકેટના નુકસાને 177 રન બનાવ્યા હતા. ઈશાન કિશને સૌથી વધુ 45 રન બનાવ્યા હતા જ્યારે ટિમ ડેવિડે 21 બોલમાં 44 રનની ધમાકેદાર ઇનિંગ રમી હતી. ગુજરાત તરફથી રાશિદ ખાને 2 વિકેટ ઝડપી હતી.
રિદ્ધિમાને શાનદાર બેટિંગ કરતા 34 બોલમાં પોતાની અડધી સદી પૂરી કરી હતી. IPLમાં આ તેનો 10મો અને MI સામે 5મો 50+ સ્કોર છે. સારી લયમાં જોવા મળી રહેલો સાહા 40 બોલમાં 55 રન બનાવીને પેવેલિયન પરત ફર્યો હતો. તેની વિકેટ પણ મુરુગનના ખાતામાં આવી. તેનો કેચ સેમસે ડીપ સ્ક્વેર લેગ પર પકડ્યો હતો.
લક્ષ્યનો પીછો કરતા જીટીએ સારી શરૂઆત કરી. રિદ્ધિમાન સાહા અને શુભમન ગીલે પ્રથમ વિકેટ માટે 106 રન જોડ્યા હતા. સાહા 34 અને ગિલે 33 બોલમાં પોતપોતાની અડધી સદી પૂરી કરી હતી. મુરુગન અશ્વિને શુભમનને આઉટ કરીને મુંબઈ માટે મુશ્કેલી ઊભી કરતી આ ભાગીદારીને તોડી હતી. તે 36 બોલમાં 52 રન બનાવીને આઉટ થયો હતો. તેનો કેચ પોલાર્ડે લોંગ ઓન પર ઉભો રહીને પકડ્યો હતો.
Click it and Unblock the Notifications
Sign in with Google
