બર્થડે સ્પેશિયલઃ ગંભીરની પાંચ યાદગાર મોમેન્ટ્સ

By Rakesh Shukla
Subscribe to Oneindia News
For Quick Alerts
ALLOW NOTIFICATIONS
For Daily Alerts

    ટીમ ઇન્ડિયાના શ્રેષ્ઠ ઓપનિંગ બેટ્સમેનમાનો એક ગણાતો ગૌતમ ગંભીર આજે ભલે ભારતીય ક્રિકેટ ટીમનો હિસ્સો નથી, પરંતુ તેણે અનેક એવી ઇનિંગ રમી છે, જે તેને એક શ્રેષ્ઠ ખેલાડી સાબિત કરે છે. ચેમ્પિયન્સ લીગ અને આઇપીએલ દરમિયાન પણ તેણે પોતાની પ્રતિભાનો પરચો આપ્યો છે. આજે આ ખેલાડીનો 33મો જન્મ દિવસ છે. દેશભરના ક્રિકેટ ચાહકો તરફથી તેને તેના જન્મ દિવસની શુભેચ્છા પાઠવવામાં આવી રહી છે.

    ગૌતમ ગંભીરનો જન્મ દિવસ હોય અને તેની યાદગાર મોમેન્ટ્સને યાદ કરવામાં ન આવે તે કેવી રીતે બને. આજે અમે અહીં ગૌતમ ગંભીરની પાંચ એવી યાદગાર મોમેન્ટ્સ અંગે આછેરી માહિતી આપી રહ્યાં છીએ, જેમાં આઇપીએલની શ્રેણી, ટી20 વિશ્વકપ, વનડે વિશ્વકપ સહિતની મોમેન્ટ્સ છે, તો ચાલો તસવીરો થકી એ જાણીએ.

    2007 ટી20 વિશ્વકપમાં સૌથી વધુ રન

    2007 ટી20 વિશ્વકપમાં સૌથી વધુ રન

    2007માં રમાયેલા પહેલા ટી20માં ગૌતમ ગંભીર સૌથી વધુ રન બનાવનાર ખેલાડી બન્યો હતો. તેણે પાકિસ્તાન સામેની ફાઇનલ મેચમાં 75 રન ફટકાર્યા હતા. તેણે ત્રણ અડધી સદીની મદદથી 37.83ની એવરેજ સાથે ટૂર્નામેન્ટમાં 227 રન બનાવ્યા હતા.

    ભારતીય ક્રિકેટની બીજી ‘દિવાલ'

    ભારતીય ક્રિકેટની બીજી ‘દિવાલ'

    2009માં ન્યુઝીલેન્ડ સામે રમાયેલી બીજી ટેસ્ટ દરમિયાન ગૌતમ ગંભીરે શાનદાર ઇનિંગ રમી હતી તેણે 436 બોલનો સામનો કર્યો હતો અને 137 રન બનાવી ભારતને ટેસ્ટ ડ્રો કરવામાં મહત્વપૂર્ણ ભૂમિકા ભજવી હતી. આ મેચ બાદ વિરેન્દ્ર સેહવાગે તેને ભારતીય ક્રિકેટની બીજી ‘દિવાલ' કહ્યો હતો.

    અન્ય સિદ્ધિઓ

    અન્ય સિદ્ધિઓ

    તે એકમાત્ર બેટ્સમેન છેકે જેણે સતત ચાર ટેસ્ટ શ્રેણીમાં 300 કરતા વધુ રન બનાવ્યા છે. જુલાઇ 2009માં તે 10 દિવસ માટે આઇસીસી ટેસ્ટ રેન્કિંગમાં નંબર વન બેટ્સમેન બન્યો હતો. 2009માં તેને આઇસીસી ટેસ્ટ પ્લેયરના એવોર્ડથી નવાજવામાં આવ્યો હતો.

    2011 વિશ્વકપમાં શાનદાર બેટિંગ

    2011 વિશ્વકપમાં શાનદાર બેટિંગ

    2011ના વિશ્વકપ દરમિયાન ગૌતમ ગંભીરે પણ શાનદાર બેટિંગ કરી હતી અને બે શ્રેષ્ઠ અને મહત્વપૂર્ણ ઇનિંગ રમી હતી. જેમાંની એક શ્રીલંકા સામેની 97 રનની ઇનિંગ છે, જે મુંબઇના વાનખેડે સ્ટેડિયમમાં ઐતિહાસિક ફાઇનલ મેચ દરમિયાન રમી હતી.

    આઇપીએલમાં જીત્યા બે ટાઇટલ

    આઇપીએલમાં જીત્યા બે ટાઇટલ

    દિલ્હી ડેરડેવિલ્સ તરફથી રમ્યા બાદ ગંભીર 2011માં કોલકતા સાથે જોડાયો હતો. તેણે ઉમદા નેતૃત્વનું પ્રદર્શન કરતા કોલકતાને 2012 અને 2014માં આઇપીએલમાં બે ટાઇટલ જીતાડ્યા હતા.

    English summary
    Happy Birthday Gautam Gambhir turns 33

    For Breaking News from Gujarati Oneindia
    Get instant news updates throughout the day.

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more