શૂટિંગ: ટ્રાયલ્સમાં હિના સિદ્ધુનો કમાલ, વર્લ્ડ રેકોર્ડની બરાબરી કરી
ભારતની સ્ટાર નિશાનેબાજ હિના સિદ્ધુએ ટ્રાયલ્સમાં શાનદાર પ્રદર્શન કરતા વર્લ્ડ રેકોર્ડની બરાબરી કરી છે. મહિલા 10 મીટર એર પિસ્ટલ સ્પર્ધામાં તેમને આ રેકોર્ડની બરાબરી કરી છે.
ભારતની સ્ટાર નિશાનેબાજ હિના સિદ્ધુએ ટ્રાયલ્સમાં શાનદાર પ્રદર્શન કરતા વર્લ્ડ રેકોર્ડની બરાબરી કરી છે. મહિલા 10 મીટર એર પિસ્ટલ સ્પર્ધામાં તેમને આ રેકોર્ડની બરાબરી કરી છે. ટી1 ટ્રાયલમાં કવોલીફીકેશનમાં હીનાએ 587 સ્કોરનો અંક મેળવ્યો અને 319 નિશાનેબાજોમાં સૌથી આગળ રહી.
હિનાના આ નિશાનને કારણે તેને ઓલિમ્પિક અને વિશ્વ ચેમ્પિયન ગ્રીસની એના કોરાકાકી વર્લ્ડ રેકોર્ડની બરાબરી કરી છે. આ પહેલા આ વર્ષમાં થયેલી એશિયન ગેમ્સમાં હીનાએ ભારતને બ્રોન્ઝ મેડલ અપાવ્યો હતો. ટ્રાયલ્સમાં યુથ ઓલિમ્પિક ચેમ્પિયન મનુ ભાકર 579 અંક સાથે બીજા નંબરે રહી.
રાજસ્થાનના દિવ્યાંશ સિંહ પવાર અને ગુજરાતની હેમા કેસીએ ઉલટફેર કર્યા. દિવ્યાંશે 10 મીટર એર રાઇફલ સ્પર્ધામાં સિનિયર પુરુષ, યુવા પુરુષ અને જુનિયર પુરુષ ત્રણે સ્પર્ધામાં ગોલ્ડ મેડલ જીત્યો જયારે હેમાએ 50 મીટર રાઇફલ થ્રી પોઝિશનમાં મહિલા વિશ્વ ચેમ્પિયનની સિલ્વર મેડાલીસ્ટ અંજુમ મોદગીલને પછાડી.