IND vs AUS : ઋતુરાજ ગાયકવાડની ધમાકેદાર સદી, ઓસ્ટ્રેલિયાને વધુ એક વખત 200 પારનો ટાર્ગેટ

ભારત અને ઓસ્ટ્રેલિયા વચ્ચે રમાઈ રહેલા T20 સિરીઝના ત્રીજા મુકાબલામાં ઓસ્ટ્રેલિયાએ ટોસ જીતીને બોલિંગ કરવાનો નિર્ણય કર્યો હતો. વધુ એક વખત ભારતે ઓસ્ટ્રેલિયાના આ નિર્ણયને ખોટો સાબિત કર્યો છે.

ટોસ હારીને બેટિંગ માટે ઉતરેલી ભારતીય ટીમની શરૂઆત સારી નહોતી રહી. ભારત માટે યશસ્વી જયસ્વાલ અને ઈશાન કિશન માત્ર 24 રનના સ્કોર પર પેલેવિયન પરત ફર્યા. આ પછી ફરી એક વખત ઋતુરાજ ગાયકવાડ અને સુર્યકુમાર યાદવે બાજી સંભાળી.

મુશ્કેલીમાં મુકાયેલા ભારતને ઉગારતમાં સુર્યકુમાર યાદવ અને ઋતુરાજ ગાયકવાડે 57 રન જોડ્યા અને મેચને પોતાની ફેવરમાં લઈ લીધો. સુર્યકુમાર યાદવે મહત્વની 39 રનની ઈનિંગ રમી તો ઋતુરાજ ગાયકવાડ સદી સાથે નોટઆઉટ પેવેલિયન પરત ફર્યો.

ગાયકવાડે પોતાની ઇનિંગમાં 13 ફોર અને 7 સિક્સરની મદદથી 123 રનની ઇનિંગ રમી. આ રન ગાયકવાડે માત્ર 57 બોલમાં ફટકાર્યા.

અંતિમ ઓવરોમાં તિલક વર્માએ ઋતુરાજ ગાયકવાડને સારો સાથ આપ્યો અને 31 રનની ઈનિંગ રમી. આમ ભારતે ઓસ્ટ્રેલિયાને જીતવા માટે 223 રનનો ટાર્ગેટ આપ્યો છે. ભારતે આ રન માત્ર 3 વિકેટ ગુમાવીને બનાવ્યા.

સિલ્ક્યારા ટનલમાં ફસાયેલા 41 કામદારોમાંથી 35 કામદારોને સફળતાપૂર્વક બચાવી લેવામાં આવ્યા. સિલ્ક્યારા ટનલ સાઇટ પરથી એમ્બ્યુલન્સ રવાના કરવામાં આવી.

English summary

IND vs AUS: Ruturaj Gaikwad's smashing century, Australia target 200+ once again