IND vs SA : રિંકુ સિંહ-સુર્યાની ધમાલ વચ્ચે વરસાદ વિલન બન્યો, ભારતનો સ્કોર 180/7(19.3)

ભારત અને સાઉથ આફ્રિકા વચ્ચેના બીજા ટી20 મુકાબલમાં વરસાદ ફરીથી વિલન બન્યો છે. પહેલી ઈનિંગની ત્રણ બોલ બાકી છે ત્યારે વરસાદને કારણે મેચ રોકવામાં આવી છે.

ટોસ હારીને બેટિંગ કરવા આવેલી ટીમ ઈન્ડિયાની શરૂઆત સારી નહોતી રહી. જો કે રિંકુ સિંહ અને સુર્યકુમાર યાદવની શાનદાર અડધી સદીની મદદથી ભારત હાલ સારી સ્થિતીમાં છે.

ભારતની શરૂઆત સારી નહોતી રહી અને ઓપનિંગ માટે આવેલા યશસ્વી જયસ્વાલ અને શુભમન ગીલ એક પણ રન ન બનાવીને પેવેલિયન પરત ફર્યા.

આ પછી ભારત માટે સુર્યકુમાર યાદવ અને તિલક વર્માએ બાજી સંભાળી. બન્નેએ એક સારી પાર્ટનરશિપ કરી. જો કે તિલક વર્મા મોટો સ્કોર બનાવે તે પહેલા જ 29 રન બનાવીને પેવેલિયન પરત ફર્યો.

આ પછી ભારતીય ટીમ માટે રિંકુ સિંહ મેદાન પર આવ્યો અને સુર્યકુમાર યાદવ સાથે મળીને શાનદાર ઈનિંગ રમી. બન્નેએ ચૌથી વિકેટ માટે 75 રનની પાર્ટનરશિપ કરી અને ટીમને 180 રન સુધી પહોંચાડવામાં મહત્વનો ફાળો આપ્યો.

સુર્યકુમાર યાદવે તેની અડધી સદી પુરી કરી અને 36 બોલમાં 56 રનની ઈનિંગ રમીને પેલેવિયન પરત ફર્યો. આ ઈનિંગમાં તેને 5 ફોર અને 2 સિક્સર ફટકારી.

બીજી તરફ રિંકુ સિંહ 39 બોલમાં શાનદાર 68 રન સાથે નોટઆઉટ છે અને તેને આ ઈનિંગમાં 9 ફોર અને 2 સિક્સર ફટકારી. આ સિવાય રવિન્દ્ર જાડેજાએ પણ મહત્વના 19 રનનું યોગદાન આપ્યુ. આફ્રિકા તરફથી કોત્ઝેએ સૌથી વધુ 3 વિકેટ લીધી.

English summary

IND vs SA : Rain turns villain amid brilliant batting by Rinku Singh-Surya, India score 180/7(19.3)